Beşîkçî ji we zêdetir Kurdistanî ye.

Îsmaîl Beşîkçî temamê jiyana xwe di ber Kurd û doza Kurdî de heba kir. Piranîya pirtûkên xwe li ser Kurd û Kurdistanê nivîsandin. Di ber Kurdan de 17 salan...


Îsmaîl Beşîkçî temamê jiyana xwe di ber Kurd û doza Kurdî de heba kir. Piranîya pirtûkên xwe li ser Kurd û Kurdistanê nivîsandin. Di ber Kurdan de 17 salan di hepsê de ma û êşkence dît. Lê gunikreşê me ji gotinên xwe nehat xwarê û teslîm nebû. Heta îro jî xwedî li berjewendîyên Kurdistanê derdikeve. Beşîkçî di dema xwe de şerê PKK wek şerekî mafdar û rewa dît û xwedî lê derket. Îro jî xwedî li destkeftinên Başûr û Rojavayê Kurdistanê derdikeve û naxwaze destkeftin û berjewendîyên netewa Kurd têk biçin.

Çima ku Beşîkçî xwedî li berjewendîyên netewa Kurd derdikeve û provokasyonên ku li Başûr û Rojava tên kirin nerast dibîne, ji alî hinek lotikvanan ve tê rencîdekirin. Çima ku gotiye „divê PKK rêzê ji serwerî û Hikûmeta Herêma Kurdistanê re bigre, heger negre divê terka Başûr bike, heke dernekeve divê ji wir bê derxistin“, êrîşî wî dikin.

Beşîkçî di jiyana xwe de wek partî alîgirîya PKK yan PDK nekiriye. Herdemê bi gelemperî fikiriye û nivîsandiye, ne berjewendîyên PKK û PDK lê berjewendîyên Kurd û Kurdistanê paraztiye û diparêze.

Gava Beşîkçî doza Kurd û Kurdistanê dikir, gelek ji we hê ji malzaroka xwe derneketibûn.

Gava Beşîkçî Kurdayetî dikir, gelekan ji we nizanîbû Kurdayetî çi ye û we di gola çepên Tirko de avjenî dikir û îro jî dikin.

Gava Beşîkçî di ber Kurdan de êşkence didît û ji her tiştî dihat mehrûmkirin, haya we ji bayê felekê tunebû.

Gava îro jî Beşîkçî Kurdayetîyê dike, hûn bi mejîyê partîtî û bi hest û mejîyê Yalçin Kûçik û Dogû Quzilqurt êrîşî wî dikin.

Bi kurt û Kurmancî; Beşîkçî ne benîştê devê herkesî ye. Çap û feraseta we ne di asta rexnekirina Beşîkçî de ye. Şam dûr e lê mişar ne dûr e. Va şar û va mişar. Kesên êrîşî Beşîkçî dikin divê berî her tiştî li pirêza xwe binerin.

Belkî hûn bi bejn û qama xwe ji Beşîkçî dirêjtir bin. Lê bahwer bikin bi hest û mejîyê xwe hûn nagihên kaboka wî..

Lotikxane

Categories
ArşîvKadînNivîskarSofî Xelef
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Xwezî ez pêlekê birêz Hemîd Derbendî bama!

    M. Bengo Ger mirov rewşa tevgera siyasî li rojavayî Kurdistanê bişopîne û bihûrbînî binirxîne , bêguman wê matmayî bimîne. Ji sala 1957 an de ta bi roja îro ev...
  • Amerîkayê xêrek din bi Kurdan kir

    Lotikvanên Amerîkayê, alîkarî li ser alîkarîyê dide Kurdan û wan di warê çek û trimbêlên leşgerî de dixemilîne. Amerîkayê vê carê xêrek din bi xwe kir û bi buhayê...
  • Dîko Amerîka tevlihev kir

    Kevîn Kurdson Serokê Amerîka û dinyayê Donald Trump, yanî Dîko, berî ku dev ji meqamê xwe berde çend lotik û zîtirkên dînomîno avêtin û Amerîka li hember dinyayê rezîl...
  • Nivîseke şolî

    Binivîsînin! Heta nuha min digot çima her kes dinivîsîne? Tenê bila yên ji heq nivîsandinê tên anku yên xwedan vîzyon û afîrîner binivîsînin. Li dij vê tevgerê derdiketim, lê...
  • Kurd û xwedê

    Doh… Kurdan bi şertekî misilmantî qebûl kiribûn û bi Xwedê re peyman çêkiribûn; heger Xwedê li gorî berjewendîyên wan tevbigerîya; na, heger Xwedê li gor berjewendîyên wan tevnegerîya, her...
  • Sernivîs û binnivîs, Arifo hema binivîs!…

    Li kêlek sobeya daran, li ser paldankê rûniştime. Min pişta xwe daye balîfê, lingên xwe avêtine ser hevdû, qurtek ji çaya li ser sêpêya li ber xwe diqurtînim. Berê...
  • Li ser pîyan…

    Qasî bîst metreyan ji min wêdetir, li ber şibakeya pencereyê, li ser kursîyeke li ber maseya xwarinê rûniştibû, bi zimanekî biyanî bi telefonê bi kesekî din re diaxivî jina...