Birastî partîyên Bakurê Kurdistanê çi dikin û çi pelûlê belav dikin?

PKK baş yan xerab, li dijî Kurdistanê yan na, dijminatîya berjewendîyên Kurdistanê dike yan nake, kêm zêde li gor bername û armanca xwe dide lotikan û karê xwe dike. Baş e, gelo partîyên ku şûr simbêlê wan nabire û ji serxwebûnê nayên xwarê, çi xwelîyê li serê xwe û li serê me dikin?

Nakokîyên şexsî, ezezî, payehezî, kursîhezî û bêtifaqîya partîyên Kurdistanî em Kurd ji mêranî xistin û fîşekek mêranîyê di keleşkofa me de nehiştin. Nû hûn dibin yek û ne jî hûn bi serê xwe karin fîşekekê biteqînin. Bes e law!

Birastî hûn çi dikin babam?

Madem hûn lotikên PKK naecibînin, madem PKK li dijî Kurdistanê û hûn Kurdistanxwaz in, hûn ji bo armanca xwe çi dikin?
We heta niha çend kevir danîne ser hev û hûnê çendan hilweşînin?

Law ma bi qûna tazî tembûr tê xwestin bavê min? Ji xwe hêz û qeweta we, endam û alîgirên we kifş û xuya ne. Ji xwe hûn bi serê xwe nikarin gavekê bi pêş de herin, qe nebe werin cem hev û bibin çaya çaydanekê cîgerim.

Ma pirsgirêk û nakokîyên we yên îdeolojîk hene?

Bi namûs tunene.

Ma armanca we teva ne Kurd û Kurdistan e?

Belê.

Ê naxwe çi!

Dev ji çîrok û mîrokan berdin heyran.

Bi allahwekîl, ez bi serê Mihemed, Îsa û Mûsa kim, heger hûn nebin yek, wê di me Kurdên Bakur nin yek bi yek û xelas…