Tiştekî berbiçav ji komxebata ku Destpêka Nû di 24-25ê mehê de li Amedê li dar xistibû, derneket. Hewldanên hinek kesên ku me bi çavekî mezin li wan dinerî, lotik û zîtirkên provokatîf, nehişt ku komxebat bibe komxebatek serkeftî û alternatîfek Kurdistanê jê derkeve. Ji ber vê, Destpêka Nû hewl dide ku komxebatek nû, komxebatek berfirehtir û dûrî van dînazorên kurmî û simsarên siyasetê li dar bixe. Hêvîdarin Destpêka Nû dersek baş ji komxebata yekemîn derxistibe û di komxebata duyemîn de nekeve heman şaşitî û xeletîyan. Heger lotikvanên Destpêka Nû birastî bixwazin bibin hêz û hêvîyekê bidin Kurdên xeyalşikestî, di serî de divê xwedî îrade û feraset bin, wêrek bin, bi xwe bahwer bin û pişta xwe bi kesên din girênedin.
Ê de kerem bikin daxuyanîya Destpêka Nû bixwînin.
Ji Çapemenî û Raya Giştî re;
Di komxebata ku me di 24-25ê Gulanê de li Amedê bi dûrişma „Di Siyaseta Kurd de Yekîtî û Rêya Alternatîf “ li dar xist, rewşa heyî ya Siyaseta Kurd û pêvajoya heyî ya ku di navbera Dewlet û Îmralîyê de li Bakurê Kurdistanê tê meşandin hat nirxandin û pêwistîyên ku divê di vê pêvajoyê de bên kirin hat nîqaşkirin.
Hin partî, rêxistinên civaka sivîl û gelek kesayetên serbixwe beşdarî komxebatê bûn, ku sekreterya wê Destpêka Nû bû.
Beşdarên komxebatê du rojan nerîn û pêşniyazên xwe anîn zimên.
Helwesta giştî ya ku di dema xebata du rojan de derket holê ev e; Pêşnizar hat kirin ku di vê pêvajoya heyî de, partî, kom û kesên Kurd yên ku ji bo mafên bingehîn yên gelê Kurd têdikoşin, bi hev re tevbigerin û ev hevkarî veguhere avakirina hêzek siyasî ya hevpar ya netewî û demokratîk ku her beşek ji siyaseta Kurd karibe tê de beşdar bibe.
Di komxebatê de, ji ber giringî û hestiyarîya mijarê, biryara dawîn nehat girtin û pêwistî hat dîtin ku ji bo kamilbûn û têgihiştina rewşa heyî û beşdarîya girseyek berfirehtir, çêtir e di demek nêzîk de komxebatek din bê lidarxistin.
Wê dîroka vê komxebata nû di demek nêzîk de ji raya giştî re bê ragihandin.
DESTPÊKA NÛ
Gelo wê Barzanî dîsa têkevin xefika Ocalan?
Teslîmîyeta Demokratîk
HAK-PAR 1 PWK 0