Bê lacoste jiyan nabe!

Li ser bextê fitne û fesadên şîrketa Lacoste be, dibêjin ji ber ku Serokê PKK û destbrakê Bahçelî sayin A. Ocalan reklama fanêreyên Lacoste kiriye, wê xelata sale bidin wî.

Wek hûn zanin, di vîdeoya ku rastî û nerastîya wê di nîqaşê de ye, Ocalan fanêreyê şîrketa Lacoste li xwe kiribû û piştî vê yekê, mirîdên wî êrîşî dikanan kiribûn û fanêreyên Lacostê di dikanan de nehiştibûn, hemi kirîbûn. Çawa ku berê axa gundê Amara (gundê Ocalan) dixwarin, niha jî xwe birçî dihêlin û bi buhayekî bilind fanêreyên Lacoste dikirin û li xwe dikin.

Balkêş e, Ocalan û mirîdên wî ji sibê heta êvarê dijminatîya emperyalîzm û emperyalîstan dikin, lê fanêreyên marka yên emperyalîstan li xwe dikin û emperyalîstan dewlemendtir dikin. Çawa ku sofîk û meyalên misilmanan neyartîya emperyalîstên rojavayî dikin û telefonên wan emperyalîstan ji bêrîkên wan kêm nabin, heman tişt bi serê Ocalan û mirîdên wî de jî hatiye. Gerîllayên li li sere çiyê, di şikeft û qulêran de bi zikek têr deh birçî, bi kinc û solên qetiyayî şer dikin, bûn bi qurbana marka Lacostê. Xuyaye şoreş û destkeftinek ji yên PKK jî ev e.

Axir, tiştê balkêştir, nîjadperest û neyarên wek Umît Ozdag jî heman marka lacostê li xwe dikin û her du alî jî ketine kefa mêzînekê.

Werhasilî kelam, şîrketa emperyalîstan lacoste bi xêra reklama Ocalan dewlemendtir bû. Bi xêr û selamet sala bê belkî Ocalan û mirîdên wî reklama sol û pêlavên Adîdas û Nike ê jî bikin. Çawa be doz û armanca netewî – Kurdî avêtin nav teneka zibil.

Ê de li ser xêrê be rebbî!

Bijî lacoste!

Bi can, bi xwîn, em bi te re ne ey lacoste!

Stenbol