Serê xwelîseran bi xwê mizdin !

Rêwîyê Kal Zilamek bi rêwîtî di ser gundekî re wê biçe gundekî din, bala xwe didê ku li qadê hemû gundî zarok, pîrek kom bûne. Ew jî meraq dike...

Rêwîyê Kal

Zilamek bi rêwîtî di ser gundekî re wê biçe gundekî din, bala xwe didê ku li qadê hemû gundî zarok, pîrek kom bûne. Ew jî meraq dike diçe, mêze dike ku boxeyek û çend nogin û çêlekên kelhatî dorpêç kirine. Bore bora boxe ye, erdê vedikole, ji ber qoçê wî toz û dûman radibe. Boxe diçe ber kelhatîyan qûna wan bêhn dike û cardin dizivire erdê dikole.

Rûspîyê gund bi hêrs serê xwe dihejîne, dike nirçe nirç û dibê: “ Ev mîrat çima wisa dike? Nezer lê ket çi hat serê wî ku wuha dike?”

Gundîyek dibê: “ Mamo em sitîlek ava cemidî bi ser de bikin, gelo wê fêda wê çê be?”

Yekî din dibê: “ Dibe ku ji kelhatîyan hez nekir, gelo meriv çavê boxe girêde?”

Zilamê rêwî derdikeve pêş dibê: “ Heke destûra we hebe ez karim vî boxeyî gij bikim.”

Rûspîyê gund dibê: “ Rêwîyo keremke, pêşniyara te çi ye?”

Rêwî dibê:” Ji min re tasek xwê, perçek pîne û hinek avê bînin bes e.”

Gundî bi lez û bez xwê, pîne û avê tînin. Rêwî bi avê serê boxe şil dike, bi xwê serê boxe miz dide, paşê xwêya mayî li ser serê boxe bi pîne girêdide. Boxe ber bi nogin û çêlekên kelhatî diajo. Çav li boxe sor dibe, yeko yeko kelhatîyan diceribîne, karê xwe bi cîh tîne werhasil.

Rûspîyê gund rêwî xelat dike, rêwî ber bi gundê ku biçê dikeve rê. Karê xwe yê li wî gundî di qedîne, çend roj dûv re cardin tê wî gundî ku derbasî gundê xwe be. Bala wî dikişîne, pîrekan serê hemû zilamên gund bi xwê pêçane.
Ev Kurdên xwelîser bûne hêsîrê îdeolojîya gemar, naxwazin Kurd bibin xwedî dewlet. Heke fêda wê çêbibe, xwêya şorika Erzinganê, ya Milazgirê, ya Wanê bi serê wan ve girêdin ku bêne ser hişê Kurdayatîyê.

2 Kanûn 15

Categories
KadînQuncikRêwîyê Kal
No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • Bê çete jiyan nabe!

    Z.Brîndar Kurd milletekî ecêb in. Serok û rêvebirên Kurdan hîn ecêbtir in. Tew siyasetmedarên wan ji tevan ecêbtir in. Li şûna ku ji bo yekîtî û xurtkirina tevgera rizgarîxwaza...
  • Aş diçe wan daye dû çeqçeqê

    Mirad Bîlgîç ‘Ziman mala hebûnê ye’ Martîn Heîdegger ‘Ziman ne gelek tişt e; ew her tişt e.’ Adar Jiyan Ji bo zimên heta niha gelek tiştên giranbuha hatine gotin...
  • PKK û bangewazîya yekîtîyê

    Metîn Pîranî – Sekreterê Gişti yê Hereketa Azadî PKK û rêxistinên pê re ji mêj ve ye ku behsa Yekîtiya Neteweyî, diyalog û biratiya di nav Kurdan de dike....
  • Di siyaseta Kurdan de giringiya ehlaq!

    Dara Bîlek Gelek caran di siyasetê de mijara ehlaq jî tê gotûbêj kirin, ehlaq di lepta insanan û jiyana wan ya rojane de derdikevê pêş û gelek caran insan...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Xwezî ez pêlekê birêz Hemîd Derbendî bama!

    M. Bengo Ger mirov rewşa tevgera siyasî li rojavayî Kurdistanê bişopîne û bihûrbînî binirxîne , bêguman wê matmayî bimîne. Ji sala 1957 an de ta bi roja îro ev...
  • Amerîkayê xêrek din bi Kurdan kir

    Lotikvanên Amerîkayê, alîkarî li ser alîkarîyê dide Kurdan û wan di warê çek û trimbêlên leşgerî de dixemilîne. Amerîkayê vê carê xêrek din bi xwe kir û bi buhayê...
  • Dîko Amerîka tevlihev kir

    Kevîn Kurdson Serokê Amerîka û dinyayê Donald Trump, yanî Dîko, berî ku dev ji meqamê xwe berde çend lotik û zîtirkên dînomîno avêtin û Amerîka li hember dinyayê rezîl...