Dez 9, 2015

    Îro al, sibê serxwebûn

    • by Lotikxane
    • 4 Years ago
    • Kadîn
    • 494 Views
    • 0

    Ehmed Beyan

    Belê, dewleta Tirk heta berî çend salan jî Serok Barzanî wek serokeşîr û nizanim çi binav dikirin. Û tew di hevdîtinên xwe yên li Tirkîyê de qet ala Kurdistanê danetanîn. Lê dem û dewran hatin guhertin. Kurd bi xîret û helwesta Barzanî derbasî astek din bûn, bûn gula Rojhilata Navîn, bûn tirsa dilê dolheramên DAÎŞê, di çavên dewletên hevpeyman de bûn qehremanên cîhanê û ala Kurdistanê li her derê, di dilê herkesî de çikandin. Kurd bi mêranî û helwesta xwe hatin wê astê ku heta bi rayedarên dewleta Tirk jî rêzê ji ala Kurdistanê re bigirin û ala Kurdistanê li paytexta xwe, di meqam û dîwanxaneyên xwe de biçikînin.

    Serok Barzanî îro (09.12.2015) serdana Enqerê kir û çend hevdîtin bi lotikvanên Tirkîyê re kirin. Vê carê rayedarên dewleta Tirk di hevdîtinên xwe û Serok Barzanî de ligel ala Tirkîyê û Iraqê, ala Kurdistanê jî daçikandin. Wek dibêjin, „Çûn erş, daketin ber terikê reş“. Dem û dewran, şert û şirûtan, mêranî, xîret û berxwedana Kurdan hişt ku dagîrkerên Kurdistanê jî êdî rêzê ji ala Kurdistanê re bigirin û ligel alên xwe daçikînin.

    Erêêêêê erê dinyayê!

    Heta bi Tirkan jî îro rêzê ji ala Kurdistanê re digirin. Lê çi hikmet be hinek qûnalês û Kemalîstên Kurd hîna jî rêzê ji vê ala pîroz re nagirin û alên hinek welatên Afrîka û Latîn Amerîkayê li serê Kurdên xwelîser dipêçin û wan tirrek dikin.

    Lê xwedê kerîm û rehîm e…

    Îro al qebûl kirin, sibê wê serxwebûna Kurdistanê jî qebûl bikin.

    Ê de ma xwedê û Şêx Evdilqadirê Geylanî…

    Enqere

    baral

    • facebook
    • googleplus
    • twitter
    • linkedin
    • linkedin
    Previous «
    Next »

    Schreibe einen Kommentar

    Deine E-Mail-Adresse wird nicht veröffentlicht.

    Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

    %d Bloggern gefällt das: