Seloyê me bû mîrê 2015an

Cilêtçî Mihê Belê, lotikvanên RÛDAW ê rapirsînek çêkirin û kesayetên sala 2015an pêşkêşî awira gelemperî ya Kurd kirin. Kurdan jî sêva xwe li nav serê Selahattîn Demîrtaş xistin û...

Cilêtçî Mihê

Belê, lotikvanên RÛDAW ê rapirsînek çêkirin û kesayetên sala 2015an pêşkêşî awira gelemperî ya Kurd kirin. Kurdan jî sêva xwe li nav serê Selahattîn Demîrtaş xistin û ew wek kesayetê sala 2015an hilbijartin. Yanî, Seloyê me bû mîrê 2015an.

Wey li ser xêrê be û rebbê alemê 72 horîyên bihuştê bike nesîb û qismetê Seloyê me rebbî…

Axir…

Hevserokê Demokratîk Cûmhûrîyetê (pardon, ê HDP) birêz û rindik û mindik Selahattîn Hesintaş ji alî xwendevan û temaşevanên RÛDAWê ve wek lotikvan û kesayetê sala 2015an hat hilbijartin. Ê helbet canim, ma Seloyê me hindik e? Na.

Seloyê me hem parêzer e, hem siyasetmedar e, hem tembûrvan û stranbêj e, hem çeleng û lihevhatî ye û hem jî seksî û xwînşîrîn e. Ma ka kesayetek ji Selo çêtir?

Seloyê me bi nameyek vekirî û veşartî spasîya RÛDAWê kiriye û gotiye: “ Cîgerno û kezebno,ji bo min şerefek mezin e ku di vê qonaxê de gelê me deng dane min û ez wek kesê Salê hilbijartime. Bi taybet di nav van rojên dijwar û watedar de ev xelata ku gelê me ji min re layîq dîtiye, ji bo min rûmetek mezin e. Ev rûmet ji kesayetiya min zêdetir, rûmeta gelê me yê têkoşer û berxwedêr e. Bêguman ev girîngîya ku we nîşanî kesayeta min daye, ji wê zêdetir we nîşanî têkoşîna gelê me yê bêhempa daye“ filan û xeftan.

Belê qurban…

Seloyê me bû kesayet û lotikvanê sala 2015an. Lê ez bawerim heke Seloyê me dev ji wan çîrokên Demokratîk Cûmhûrîteyê û bratîya xelkên çeqilmast berde, heke wê toqa naletê ya „Xelklerin Qardaşlixî“ û „Tirk Solî“ ji stuyê xwe derxe, kirasekî Kurd û Kurdistanêî li wê bejn û bala xwe ya tenik û zirav ke, wê bibe star û lîztikvanê sala 2016an jî. Û tew belkî teklîf û pêşniyaz ji Qesra Spî û Hollywoodê jî jê re bên allahwekîl..

Ê de haydê Selo, bajo qurban bajoooooo!

Amed

Categories
Cilêtçî MihêKadînQuncik
No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • Bê çete jiyan nabe!

    Z.Brîndar Kurd milletekî ecêb in. Serok û rêvebirên Kurdan hîn ecêbtir in. Tew siyasetmedarên wan ji tevan ecêbtir in. Li şûna ku ji bo yekîtî û xurtkirina tevgera rizgarîxwaza...
  • Aş diçe wan daye dû çeqçeqê

    Mirad Bîlgîç ‘Ziman mala hebûnê ye’ Martîn Heîdegger ‘Ziman ne gelek tişt e; ew her tişt e.’ Adar Jiyan Ji bo zimên heta niha gelek tiştên giranbuha hatine gotin...
  • PKK û bangewazîya yekîtîyê

    Metîn Pîranî – Sekreterê Gişti yê Hereketa Azadî PKK û rêxistinên pê re ji mêj ve ye ku behsa Yekîtiya Neteweyî, diyalog û biratiya di nav Kurdan de dike....
  • Di siyaseta Kurdan de giringiya ehlaq!

    Dara Bîlek Gelek caran di siyasetê de mijara ehlaq jî tê gotûbêj kirin, ehlaq di lepta insanan û jiyana wan ya rojane de derdikevê pêş û gelek caran insan...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Xwezî ez pêlekê birêz Hemîd Derbendî bama!

    M. Bengo Ger mirov rewşa tevgera siyasî li rojavayî Kurdistanê bişopîne û bihûrbînî binirxîne , bêguman wê matmayî bimîne. Ji sala 1957 an de ta bi roja îro ev...
  • Amerîkayê xêrek din bi Kurdan kir

    Lotikvanên Amerîkayê, alîkarî li ser alîkarîyê dide Kurdan û wan di warê çek û trimbêlên leşgerî de dixemilîne. Amerîkayê vê carê xêrek din bi xwe kir û bi buhayê...
  • Dîko Amerîka tevlihev kir

    Kevîn Kurdson Serokê Amerîka û dinyayê Donald Trump, yanî Dîko, berî ku dev ji meqamê xwe berde çend lotik û zîtirkên dînomîno avêtin û Amerîka li hember dinyayê rezîl...