Ne mîr e, ne wezîr e

Mîrê Mihelmîyan Balkêş e, heçê dikeve nava AKP yan jî heçê dibe wekîl û dikeve meclîsa Tirko, bi carekê çerm û eyarê xwe diguhere û dest bi dijminatîya Kurdistanê...

Mîrê Mihelmîyan

Balkêş e, heçê dikeve nava AKP yan jî heçê dibe wekîl û dikeve meclîsa Tirko, bi carekê çerm û eyarê xwe diguhere û dest bi dijminatîya Kurdistanê dike. nizanim ne ji ava meclîsê ye, ne ji nanê meclîsê ye, ne jî ji mûçe û pareyên meclîsê ye, tiştekî ecêb e.

Gerçî wekîlên HDP jî heman lotikan davêjin û li dijî serxwebûna Kurdistanê disekinin. Lê çi hikmet be Orhan Kîroglû (pardon, yanî Mîroglû) balê dikşîne ser xwe.

Parlamenterê AKPê Orhan Miroglu, piştî hevdîtina xwe ya ligel Cîgirê Serokê Amerîkayê Joe Biden, 2 nivîsên qerase di rojnameya Starê ya Tirkî de nivîsandin. Mîroglû di nivîsên xwe de qala niyeta Amerîkayê û avakirina dewleta Kurdî dike.

Miroglû efendî di nivîsên xwe de ji bo pêwendiyên Amerîka û PYDê, guherîna nerînên li dijî Kurdan acizbûna xwe nîşan daye û gotiye: „Heta niha welatên rojavayî digotin ku ji bilî çiyayan dostên Kurdan tunene, lê niha rabûne û dibêjin: Li Rojhilata Navîn ji bilî Kurdan hêzek bejayî bi qasî wan xurt û jêhatî nîn e. Ev neheqiyek e“ filan û fîstan.

Miroglû begefendî navê Kurdistanê mîna „Kurdistana xeyalî“ bi lêv kiriye û ji Amerîkayê xwestiye ku alîkarîya Kurdan nekin da ku Kurd nikaribin dewletek serbixwe ava bikin.

Ê de werin û vî kerî di vî borî re derbas bikin!

Olan oxlim, ji te re çi, pozmezino?

Ma lidijderketina serxwebûna Kurdistanê bi te maye?

Yan ew fîşekên ku dewletê pê laşê te kiribû serad, te ji bîr kirine?

Law tu di nav Kurdan de „Mîr“ î, lê di nav AKP de ne „Mîr“ î û ne jî „wezîr“ î, tu „kizîr“ î kizîr, peppûko!. Heke AKP ji te hez kiribûya, hema bela te kiribûna wezîrek ma çi dibû? Yanî ku yên wek te berdevkîya AKP û dewleta Tirk bikin, hûnê çi biserxin cîgerim?

Law ma tu ji xalê xwe Mûsa Anter jî şerm û fedî nakî babam?

Aha ev in ha gelî lotikvanan.

Kurmên darê ev in.

Tew ne tenê kurm in, zîro ne zîrooooooo!

Mêrdîn

Categories
Kadîn
No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • Aş diçe wan daye dû çeqçeqê

    Mirad Bîlgîç ‘Ziman mala hebûnê ye’ Martîn Heîdegger ‘Ziman ne gelek tişt e; ew her tişt e.’ Adar Jiyan Ji bo zimên heta niha gelek tiştên giranbuha hatine gotin...
  • PKK û bangewazîya yekîtîyê

    Metîn Pîranî – Sekreterê Gişti yê Hereketa Azadî PKK û rêxistinên pê re ji mêj ve ye ku behsa Yekîtiya Neteweyî, diyalog û biratiya di nav Kurdan de dike....
  • Di siyaseta Kurdan de giringiya ehlaq!

    Dara Bîlek Gelek caran di siyasetê de mijara ehlaq jî tê gotûbêj kirin, ehlaq di lepta insanan û jiyana wan ya rojane de derdikevê pêş û gelek caran insan...
  • Talîş kî ne ?

    Ugur Dursun Adsız Îro Kurdên Talîşî bi gelemperî di derdora Çîyayên Talîş, di navbera devletên Azerbaycan û Îranê de nîştecih bûne. Li taya Azerbaycanê de ji bajarên Başûrê Azerbaycanê...