Bavê Cengo
Serokê rejîma Sûrîyê û kilê çavê Îran û Rûsyayê Beşar Esed, hevpeyvînek qerase bi rojnameya Rûsî Komsomolskaya Pravda re kir û çend lotik û zîtirk avêtin derûdorê.
Qirikdirêjê Beşaro di lotikên xwe de got ku „Ez bi serê Mûsa, Îsa û Mihemed bikim, piranîya Kurdên rojava serxwebûnê naxwazin. Ji xwe em û PYD destebrakên hev in, di şerê li dijî zinêkarên DAÎŞê de heta hûn bêjin bes me çek dane wan allahwekîl“ û daye lotikan.
Ê law bi allahwekîl rast e û ne derew e.
Ma te û destebrakên xwe Kurdên serxwebûnxwaz li Sûrîyê û rojava hiştin heta ku Kurdên rojava serxwebûnê bixwazin oxlim?
Kurdên serxwebûnxwaz yan we xistin zindanan, yan we ew koçber kirin û ji rojavayê Kurdistanê derxistin, yan jî we bi tirs û zorê zimanê wan jêkir û ker û lal kirin wî.
Ê de ka ji Kurdên derveyî PYD bipirse bê ka serxwebûnê dixwazin yan naxwazin mêro!
Qamişlo
Zêdetir
Ehmeq pir bin wê mela jî tirê ji wan berde
Em jî heman tiştî dibêjin, lê kes bi ya me nake kaka
Go ga ket kêr lê pir dibin