Li ser bextê Brîmo be

Bavê Cengo Li ser bextê xelkê be, dibêjin Endamê Serkirdayetîya PDK-S xalê me Nûrî Brîmo ji çapemenîyê re axivî ye û daye lotikan, rexne li siyaseta PYD girtiye û...

Bavê Cengo

Li ser bextê xelkê be, dibêjin Endamê Serkirdayetîya PDK-S xalê me Nûrî Brîmo ji çapemenîyê re axivî ye û daye lotikan, rexne li siyaseta PYD girtiye û kirasê xwe çirandiye.

Dîsa li ser bextê fitne û gelacên bajarê Hewlêr û Qamişlokê be, dibêjin xalê me Brîmo bi sê telaqên bê fitû sûnd xwariye û gotiye: “Ez bi serê Mûsa, Îsa û Mihemed kim, PYD bi hêza çekan û alîkarîya rêjîma Esed xwe li ser xelkê rojavayê Kurdistanê ferz kiriye, lê civaka Kurd ne ligel wê ye” filan û fîstan.

Nûrî Birîmo bi dewamî anîye zimên û gotiye: “ Bi allah wekîl, ez xêrê ji xwe nebînim, PYD bi hêza çekan û alîkarîya rêjîma Sûriyê bûye desthilatdarê rojavayê Kurdistanê. PYD guh nade tu kes û alîyekî, ji ber ku azadî li cem wan tenê berjewendî û siyaseta PYD ye. Heger tu weke wan nebe tu xwefiroş î û tu ne niştimanperwer î. Lewma xwe bi zorê li ser xelkê rojavayê Kurdistanê ferz kirine û ji rêjîmê jî xerabtir tînin serê rojavayê Kurdistanê. Lê civaka Kurd ne ligel wan e, ji ber ku çek û milîs di destê wan de ne û ya rastî ew e ku xelkê rojavayê Kurdistanê ligel ENKS û PDK-Sê ne, ji ber ku xwediyê projeya netewî ne” filan û bêvan.

Xalê me Birîmo herweha anîye zimên ku “PYD li dijî projeya netewî ye û ji bo têkbirina rojavayê Kurdistanê dixebite. PYD rojane xortên rojava dide şehîdkirin bêyî ku tu projeyek wê ji bo pêşeroja rojavayê Kurdistanê hebe”.

Siphan allah!

Ê başe xalo can, madem PYD bi hêza çekan û bi alîkarîya rejîma Esed xwe li ser xelkê ferz dike, çima hûn nikarin xwe ferz bikin?

Hûn jî bi hêza çekan û bi alîkarîya Hewlêrê xwe li ser wan ferz bikin qurban. Madem hûn gazindan ji PYD dikin (ku sedî sed gelek jê rast in jî) hûn jî xwe bi rext û fîşekan girêdin, şûr û mertalên xwe bikşînin û xwe li ser PYD ferz bikin wî. Ma tiştekî belaş û bê ked û bedel heye kezebo?

Qamişlo

Categories
Bavê CengoNivîskar
No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • Radyoya Êrîvanê sêwî ma

    rojnamevan û rewşenbîrê Kurdên Ermenistanê Keremê Seyad di 82 salîya xwe de ji nav me koç kir û em xemgîn kirin. Keremê Seyad, di 1960î de li Radyoya Êrîvanê...
  • Lotika Papa xweş lotik bû

    Serokê Vatîkanê û Serokê Rûhanî ê Mesîhîyên Cîhanê Papa Franciskus di 07.03.2021ê de pêşî serdana Iraqê û piştre jî serdana Kurdistanê kir. Papa li Bexdayê bi şûr û kêran...
  • Başûrî, mîrasê serokê nemir Mistefa Barzanî dixwin…

    Rojhat Amedî Sed heyf û mixabin em îro dibînin ku jimareyek berçav ji desthilatdarên başûrê Kurdistanê tenê bi gotin li ser rêbaza Barzaniyê nemir mane. Tenê li ser mîrasa...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Sekn û helwesta serek û rêberan

    Di şerê cîhanê yê duyem de nazîyên Hîtler lawê Stalîn ê leşker hêsîr digirin. Rûs jî generalekî almanan hêsîr digirin. Ji bo pevguhertina hêsîran danûsitendin dest pê dikin. Lê...
  • Serok Papa

    Serok Papa siwar hat û peya çû, lê dixan û hicac li pey xwe hişt û çû. Carinan hesabê malê û sûkê li hevdu dernakeve, mixabin û bêhişî û...
  • Rê û rêwîtî û serpêhatîyên şifêran

    Ev du roj in ez rêwî me; ez derketime rêwîtîya peyvan. Heta ev rêwîtî bi dawî bê, ez ê tenê li ser vê rêwîtîyê û serpêhatîyên şifêrên heval binivîsînim....
  • Sernivîs û binnivîs, Arifo hema binivîs!

    Li kêlek sobeya daran, li ser paldankê rûniştime. Min pişta xwe daye balîfê, lingên xwe avêtine ser hevdû, qurtek ji çaya li ser sêpêya li ber xwe diqurtînim. Berê...