• Di. Aug 9th, 2022

XWEDÊYO TU MIN EFÛ BIKE

VonLotikxane

Nov 4, 2011

Osmanê  Gewaşî mir0vek gelek nîyetpaqij e. Osman di daîreyek dewletê de notirvanîyê dike. Dema teqawît dibe, nîyet dike ku biçe Hecê û wê nîyeta xwe ji jina xwe re jî dibêje.

 Jina wî xwe li erdê dixe û dibê :

-Divê tu min jî bibî.  

Osman mecbûr dimîne jina xwe jî bibe û ji bo hindê jî çend zevîyan jî difiroşe.

Xesûya wî dibihîze ku zavayê wî û keça wî diçin hecê, ew jî dozê li wan dike û dibêje:

-Hûn hêjta ciwan in, hûn diçin hecê, ez kesek tinê me, kes li min xwedî dernakeve.

Û pîyê xwe di rikêbê de dişidîne.

Osman jî diponije û ji xwe re dibêje:

-Xesûya mirov dîya mirov tê hisêbê, xêr e ! Ezê wê jî bi xwe re bibim.

Dîya Osman dibihîze ku Osman xesûya xwe jî bi xwe re dibe, dikeve inadê û ji kurê xwe re dibêje:

-Ez jî bi te ra têm, tu çawa xesûya xwe dibî û min nabî ! Heke tu min jî gel xwe nebî, ez heqê dayînîyê û şîrê xwe li te helal nakim û roja qîyametê eaê dewayê li te bikim.

Osman ji bêçareyî wê jî bi xwe re dibe.

Axir, bi hev re diçin hecê ku gunehên xwe bidin efûkirin. Israra jin, xesû û dayîka wî, di serê Osman de dibe pirsgirêk. Osman xwebixwe dibêje:

-Bi xwedê ezê guhdarîya wan bikim û zanîbim ka efûkirina çi ji xwedê dixwazin.

Guhdarîya xesûya xwe dike, xesîya vî dibêje:  

-Xwedêyo! Min ewqas rê da ber xwe û ez hatim derazînka te, tu min efû bike. Di filan wextî de, dema mêrê min leşker bû, min çend xort girtin nava nivîna xwe.

Guhdarîya dîya xwe dike, ew jî dibêje:

-Xwedêyo! Tu min efû bikî, min mêrê xwe dixapand û çend caran bi şivanê me re razam.

Guhdarîya jina xwe dike , ew jî dibêje:

-Xwedêyo! Dema mêrê min bi şev bekçîtî /notirvanî dikir, min çend caran dostikê xwe bir malê.

Li ser van gotinên dê, jin û xesûyê, Osman hêrs dibe û dibêje:

-Xwedêwo! Tu min efû bikî ku min ev hersê qahbik anîne hizûra te.

Bi vê wesîlê cejna qurbanê ya hemû Kurdan bi taybet ya erdhejzedeyên bajarê Wan ê pîroz dikim. Hîvîdarim wê ev cejna qurbanê bibe sedemê aramîyê û hizûrekê bîne nav Kurdan.