Belê, PDK-B (Platforma Demokratên Kurd-Bakur) yanî ewên ku hinek PSK î serkêşîya wê dikin, hewl didin ku bi navê PDK li bakurê Kurdistanê partîyekê ava bikin. Lê PDK-B çi PDK-B ye, wek şorba nîskê ye, ji her serîyekî dengek derdikeve.
Lotikvanên PDK-B qaşo dibêjin „em li ser rêya rêbaza Barzanî ne“ û dixwazin xwe li ber dilê PDK Başûr û Barzanîyan şîrîn bikin. Lê di bingeha xwe de ne mejîyê wan mejîyê PDK û rêbaza Barzanî ye û ne jî lotikên wan. Kesên ku tu elaqeya wan bi PDK û Barzanî re tunebûn û hetanî doh postecîtîya xalê me Kemal Burkay dikirin, îro bûne PDK î û tew xwe wek pêgirên 1965an jî dibînin. Kesên ku dijminatîya PDK û Barzanîyan dikirin, îro xwe dikin ezîzê ber dilê PDK û Barzanîyan.
Wey maşelle! Wey maşelle ji PDK-B re û ji siyaseta PDK Başûr re! Çi hevalên saxlem ji xwe re peyda kirine looooo!
Werhasil, mesela me li ser PDK-B û lotikên xaltîka me Vecîbe Karagoz bû.
Xaltîka me Vecîbe Karagoz heta berî çend salan di nava HAK-PAR ê de bû. Lê piştre wê û zilamê xwe lotikek li HAK-PAR ê xistin û jê veqetiyan. Yanî ji dûr û nêzîk tu elaqeya wan bi PDK û rêbaza Barzanî re tunebû û tuneye. Helbet mafê wan heye ku di nav partîyek din de siyaseta xwe bikin, ha PDK, ha PKK, ha Lotikxane, ferq nake. Lê gava meriv xwedî li rêbaza Barzanî derkeve û rabe piştgirîya kesên ku dijminatîya Barzanî dikin bike, aha ew nabe. Ew êdî nabe lotik lê dibe zirlotik. Divê baş bê zanîn ku bi mejî û mentalîta PSK meriv nabe PDKî xaltîka Vecîbe.
Xaltîka me Vecîbe Karagoz wek berpirs û seroka jinên PDK-B derketiye pêş. Yan başçawîşên BDP-B ew kar dane wê.
Pîroz û bimbarek be rebbî!
Xaltîka we Vecîbe xanim derket televizyona Rûdaw ê û di derbarê PDK-B û siyaseta wê de çend lotik avêtin. Ji ber ku haya wê ji PDK û xebata PDK-T tuneye, tewşo mewşo axivî û got „Partiya me û PDK-T ji hev cihê ne ji ber ku em li ser rêbaza Mela Mistefa Barzanî xebat dikin, her wiha em xwedî dîrok, xebat û şehîd in. Ya din, partiya me ji sala 1965an ve bi serokatîya Fayîq Bûcak hatiye damezirandin“ filan û fîstan.
Wey maşelle ji te û partîya te re Vecîbe xanim!
Hûn kengî bûn PDKî û hûn kengî bi rêbaza Barzanî hisiyan!?
Yan gelo hûn zanin bê rêbaza Barzanî çiye?
Xuyaye haya te ji bayê felekê tuneye xaltîka Vecîbe. Yan di derbarê dîroka PDK- T de tu ne xwedîyê agahdarîyê ye, yan jî hinekan xelet bi te dane jiberkirin. Her Kurdek zane ku PDK-T ji alîyê şehîdê nemir Seîd Elçî û 4 hevalên wî ve hatiye damezirandin. Piştî damezirandinê bi demekê Faik Bûcak tev li refên PDK-T bûye û herweha bûye serokê Partîyê. Lê tenê Vecîbe Karagoz van tiştan nizane.
Axir, pêşkêşvanê bernama Rûdawê ji xaltîka xwe Vecîbe xanimê pirsî:
„Heke A. Ocalan bixwaze bibe serokkomarê Tirkîyê, hûnê piştgirîya wî bikin ?“
Xaltîka me jî bêyî ku kûr û dûr bifikire, yekser bersiv dayê:
„Çawa em nakin canim, sedî sed emê piştgirîya Ocalan bikin “ û li ser navê PDK-B piştgirî da serokkomarîya Ocalan.
Bi vî awayî xaltîka me Aysel Tûgluk ( pardon, Vecîbe Karagoz) bi vê bersiva xwe lotikek bêîman li PDK û Barzanîyan xist, kumê wan xwar kir û kumê Ocalan li serê wan kir.
Belê, kesên ku dibêjin „em li ser rêbaza Barzanî ne, em PDK î ne“, piştgirîya Ocalan û PKK dikin. Ew PKK a ku ji sibê hetanî êvarî dijminatîya PDK û Barzanîyan dikin.
Îcar tê derxin gelî xwendevanan:
Gelo li gor we, PDK-B PDKî ne, yan Ocalancî ne?
Heçê tê derxe û bersiva rast bide, emê posterê başqan Ocalan ji wan re bişînin.
Ê de haydê..
Amed
sılav ew postere ewdo lıve u çenteciyi kemal burkay bümbarekbı wek tezanin ew şexsesan ne pdkbakur ı merhaba ehlak bo ev çentecıya
Dibejin teriya dupiske li ser pista weye, carna bixwe ji vedide.
Yanji bivir li piye xwe diixe.
Ev ji mesela siyaseta PDK basure
sertac beg ji hakpare aciz bu çu ba pdk bele serkeftin li ruhê wan de nine ew ne netewperwerin welatperwerin ew kursiperwer navperwerin
heger serkeftine ji bo kurdan bixwazin hesaniye dikarin kurda binin ba hev kurden diji demoqratiqe
cima seroke PDK b . barzani le amede pistgirtiye dide erdogan diji BDP u ibo u sevane keriye peze res ji je wanre lotoka davijin ew ya kurd perweriye gelo.? gelo xaltiya wecibe gotibuna eme pistgiriye bidine kak erdoxa lotikxane lotik avitbuna.?
Diwê merî hay ji gotinê û tevgerê xa hebe.. Qe kes ku ji merîyan ra ti$tekî nebîjî jî, Lotikxane heye ku, dîya merîyan gêrî dixinî.. Hewkî baldar bin canim aaaaa. Ê rind ku Lotikxane jî hey.!