Aha îcar Rûsya li pataxê ket!

Polat Erdem

Em Kurd birastî jî xwelîser in. Hem jî xwelîya heft gundan bi serê me de rijiyaye. Ji bo piçek berjewendî û malê dinyayê, ji bo piçek nav û deng û çend nîhandinên xanimên Tirk, em karin her tiştî bikin. Em karin qûna dijminên xwe balêsin, em karin wan bikin taca serê xwe û em karin wan bera ser xwe jî bidin. Erê em wan mezin û bilind dikin, lê em ji bîr dikin ku em xwe jî piçûk û bêşexsîyet dikin.

Ê de ji xwe re binerin bê xortê Colemêrgî, şivan û gavanê Colemêrgî Aydin Aydin begefendî çi kiriye.

Stranbêj û lotikvanê Colemêrgî Aydin Aydin, ji bo ku xanimek Rûs di klîpa wî de cîh stendiye, çend CD yên klîpa xwe şewitandin û qaşo Rûsya û Pûtîn protesto û şermezar kir. Çima ku Rûsya û Pûtîn hinek karkir û karmendên Tirk ji Rûsya avêtin der û rê li ber çûn û hatina Tirkan girt, xuyaye li zora Aydin Aydin efendî çûye. Wî jî rabûye çend CD yên xwe çewitandine û zîtirkek Colemêrgî avêtiye.

Olan oxlim, çima Bulent Ersoy Rûsya û Pûtîn şermezar nake? Çima Fatîh Urek û qûnekên mîna wî Pûtîn şermezar nakin? Çima hunermendên Tirk Rûsya û Pûtîn şermezar nakin, lê tu dikî? Hem jî yekî Colemêrgî?

Aha em Kurd ev xwelîser in ha gelî lotikvanan.

Em ji xelkê re hêkan, lê ji xwe re zelqên elok û mirîşkan dikin wesselam…

Îzmîr