Ma ez perê te naxwim!

Bazê Qendîlê Camêrekî, pere bi deyn dabûn nasekî xwe. Rojekê, ew camêr diçe ser wî kesê deynbar û dawa pereyên xwe lê dike: -Heyran, wek tu dizanî, ji mêjde...

Bazê Qendîlê

Camêrekî, pere bi deyn dabûn nasekî xwe. Rojekê, ew camêr diçe ser wî kesê deynbar û dawa pereyên xwe lê dike:

-Heyran, wek tu dizanî, ji mêjde min ev qencî bi te kiriye û welleh niha ez bi haceta wan pereyan im, ma tu êdî nadî min?

– Wey ser ser û ser çavan, welleh heta sax bim qenciya te ji bîr nakim, lê hinekî din sebra xwedê bikşîne, îşalah ezê perekên te li te vegerînim!

– Kengî qurban?

– Wek tu dizanî, hinek pirêza me heye û di nav de gelek dirik û stirî hene, wek tu dizanî jî va havîn e û wê ereb pezên xwe bînin van deran, erê looo hersal tînin. Eger pezên wan ketin nav pirêza me, wê sedî sed, hirya wan bi wan stirî û dirikan ve bizeliqe, emê jî biçin wê hiryê kom bikin û kengî me firot, emê perekên te bidin te heyran, ma em pereyên te naxwin!

Dema mêrik gotina yê deynbar bihîst bû tîq-tîqa kenê wî. Yê deynbar jî lêvegerand: Çima tê nekenîîî, te perên xwe misoger kirine!

Îro hikûmeta bin destê Çirto û Virto jî biryarek derxistine û têde melyon û nîvek mitir di mi-aşxurên Herêma Kurdistanê de birine û hasil gihandine Mûsil. Li gor wê biryarê, ji îro pêve wê mi-aşxur beşekî gelekî kêm ji mi-aşê xwe werbigre û yê mayî jî wê hikûmet jêre hilîne û kengî ku perên hikûmetê çêbûn wê wan pereyên ji mi-aşan qutkirî li xelkê vegerîne. Lê ew roj kengî tê em nizanin haaaa! Roja qiyametê ye, roja meşa ser pira selatê ye, roja heşer û mehşerê ye, ellahwekîl hikûmet bixwe jî nizane! Ewjî wek hirya pezên ereban, kengî petrol buha bû û wek çemên Ferat û Dicle li ser xaka Kurdistanê herikî û hat firotin, bi telaq wê pereyên xelkê li wan vegerînin wîîî!

Hey min di wilo hesab û wilo biryar kirî, ê ma xwedê jî nema dizane van hesaban jihev derxîne haaa! Wek nimûne, eger mi-aşxurek mi-aşê wî sê melyon dinar be, wê hikûmet 2100000 dînar jêre hilgire heta roja qiyametê û tenê 900000 dînarî bidinê û ew çar mi-aşên ku di histê hikûmetê de, ji sala par mane jî, bera xelk fatîhakê û çend qûlhûwellahûehedan li ser bixwînin haaa!

Ez bi Laleşa Êzdînxan kim, mafya kurdî, heft pên û heftê lotik li mafya Îtalî û meksîkî xistine û metirsiyek mezin li ser duwaroja Başûrê Kurdistanê çêkirine.

Başûr li ser volqanekî ye, eger hat û ev volqan teqiya, wê ter û hişk bi xwe re bişewitîne û kî bawer dike, kî bawer nake, ji vî ve!

Kurdistan

borç2

Categories
Bazê QendîlêKadînQuncik
No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • Aş diçe wan daye dû çeqçeqê

    Mirad Bîlgîç ‘Ziman mala hebûnê ye’ Martîn Heîdegger ‘Ziman ne gelek tişt e; ew her tişt e.’ Adar Jiyan Ji bo zimên heta niha gelek tiştên giranbuha hatine gotin...
  • PKK û bangewazîya yekîtîyê

    Metîn Pîranî – Sekreterê Gişti yê Hereketa Azadî PKK û rêxistinên pê re ji mêj ve ye ku behsa Yekîtiya Neteweyî, diyalog û biratiya di nav Kurdan de dike....
  • Di siyaseta Kurdan de giringiya ehlaq!

    Dara Bîlek Gelek caran di siyasetê de mijara ehlaq jî tê gotûbêj kirin, ehlaq di lepta insanan û jiyana wan ya rojane de derdikevê pêş û gelek caran insan...
  • Talîş kî ne ?

    Ugur Dursun Adsız Îro Kurdên Talîşî bi gelemperî di derdora Çîyayên Talîş, di navbera devletên Azerbaycan û Îranê de nîştecih bûne. Li taya Azerbaycanê de ji bajarên Başûrê Azerbaycanê...