Yan PYD û yan ez, dikim qurban gund û pez

Firildeq Elî Belê, xuyaye PYD û YPG ji sayin Kasimpaşalî Erdogan re bûye kabûsa xewnên şevan. Li gor tê gotin, sayin Erdogan ji tirsa ku wê PYD û YPG...

Firildeq Elî

Belê, xuyaye PYD û YPG ji sayin Kasimpaşalî Erdogan re bûye kabûsa xewnên şevan. Li gor tê gotin, sayin Erdogan ji tirsa ku wê PYD û YPG bên xewnên wî, xew nakeve çavên wî û wek cinên ku ji hesin bitirse, ji PYD û YPG ditirse. Ne li ser bextê me be, li ser bextê Fûat Avnî û Twîtterê be.

Li gor fitne û fesadên Dengê Amerîkayê (VOA) dibêjin, Serokomarê Tirkîyê Erdogan di vegera xwe ya ji welatên Amerîka Başûr de ji rojnamegeran re axivîye, çend lotik avêtine û rexne li Amerîkayê, bi taybet li Reşo Beşo Obama girtiye. Cîgerim Erdogan di balafirê de bersiv daye pirsên rojnamegeran û gotiye: „Divê rêveberiîya Waşingtonê di navbera Tirkîye û PYD de hevkarekî hilbijêre qardaşim. Ev çi hevkarî ye babam, ezê çawa bawerîya xwe bi we bînim? Ma ez hevkarê we me yan terorîstên Kobanê hevkarên we ne?“ û pê de çûye.

Dibêjin Erdogan axîn û keserek kûr kişandiye, serê xwe hejandiye û di derbarê serdana Nûnerê Taybet ê Serokê Amerîkayê Brett McGurk a li Kobanê û wergirtina plaketekê ji destê lotikvanê YPG Polat Can jî gotiye: „Ez bi serê bavê we kim, emê vê rêxistinê li her derê wek rêxistinek terorîst bidin naskirin û tirrê jê berdin. Heke em wisa nekin, wê ziyan li me bibe û ewê tirrê ji me berdin“ û li sînga xwe xistiye.

Ez serê xwe û we neêşînim gelî lotikvanan, PYD û YPG bûye kabûs û tirsa dilê Tirkoleran. Lê çi hikmet be Beşar Esad ê gerdenelokî ne ji PYD ditirse û ne jî ji YPG. Erdogan ji PYD û YPG ditirse ku kantonên Rojavayê Kurdistanê bike yek, Kurd xwe bigihînin Derya Spî û ev jî rê ji yekîtî û serxwebûna Kurdistana mezin re veke. Û Beşarkê me jî ji wan natirse ji ber ku ew Sûrîyeyek demokratîk dixwazin û halî hazir behsa federasyon yan jî serxwebûnê nakin.

Ê de ya bi xêr…

Hema çi û kîjan li xêra Kurdan be, xwedê wê qebûl bike û xelas…


Stenbol

Categories
Kadîn
No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • Bê çete jiyan nabe!

    Z.Brîndar Kurd milletekî ecêb in. Serok û rêvebirên Kurdan hîn ecêbtir in. Tew siyasetmedarên wan ji tevan ecêbtir in. Li şûna ku ji bo yekîtî û xurtkirina tevgera rizgarîxwaza...
  • Aş diçe wan daye dû çeqçeqê

    Mirad Bîlgîç ‘Ziman mala hebûnê ye’ Martîn Heîdegger ‘Ziman ne gelek tişt e; ew her tişt e.’ Adar Jiyan Ji bo zimên heta niha gelek tiştên giranbuha hatine gotin...
  • PKK û bangewazîya yekîtîyê

    Metîn Pîranî – Sekreterê Gişti yê Hereketa Azadî PKK û rêxistinên pê re ji mêj ve ye ku behsa Yekîtiya Neteweyî, diyalog û biratiya di nav Kurdan de dike....
  • Di siyaseta Kurdan de giringiya ehlaq!

    Dara Bîlek Gelek caran di siyasetê de mijara ehlaq jî tê gotûbêj kirin, ehlaq di lepta insanan û jiyana wan ya rojane de derdikevê pêş û gelek caran insan...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Xwezî ez pêlekê birêz Hemîd Derbendî bama!

    M. Bengo Ger mirov rewşa tevgera siyasî li rojavayî Kurdistanê bişopîne û bihûrbînî binirxîne , bêguman wê matmayî bimîne. Ji sala 1957 an de ta bi roja îro ev...
  • Amerîkayê xêrek din bi Kurdan kir

    Lotikvanên Amerîkayê, alîkarî li ser alîkarîyê dide Kurdan û wan di warê çek û trimbêlên leşgerî de dixemilîne. Amerîkayê vê carê xêrek din bi xwe kir û bi buhayê...
  • Dîko Amerîka tevlihev kir

    Kevîn Kurdson Serokê Amerîka û dinyayê Donald Trump, yanî Dîko, berî ku dev ji meqamê xwe berde çend lotik û zîtirkên dînomîno avêtin û Amerîka li hember dinyayê rezîl...