Şivan û gavan rabûn hev

Ehmed Beyan Serokkomarê Tirkîyê Recep Tayyip Erdoğan hefsarê serê hespê xwe berdaye û dibezîne.Ciwanmêr ne guhdarîya kesekî dike, ne jî hesabê kesekî bi pîvazekê dike. Li gor plan û...

Ehmed Beyan

Serokkomarê Tirkîyê Recep Tayyip Erdoğan hefsarê serê hespê xwe berdaye û dibezîne.Ciwanmêr ne guhdarîya kesekî dike, ne jî hesabê kesekî bi pîvazekê dike. Li gor plan û projeyên xwe dimeşe, xewn û xeyalên Osmanî û berfirehkirina xaka Tirkîyê dike. Ji bo ku Kurdên rojavayê Kurdistanê bi ser nekevin û xwe negihînin Deryaya Spî, çi ji destê wî tê dike, hema bêjin destê  xwe dixe her cîhî. Ne tenê destê xwe, hetta lingê xwe jî pê de dibe.

Axir, mesela me li ser têkilîyên wî û Yekîtîya Ewrûpayê bû.

Berî niha Serok û Gavanê Parlamentoya Ewrûpayê Martîn Schulz lotikek avêtibû Erdogan û gotibû: „Bi şeşe telaqên bê fitû, heke Tirkîye dîsa îdamê vegerîne û şerîtê têxe stuyê xelkê, em êdî li ser endametîya Yekîtîya Ewrûpayê pê re gotûbêjan nakin, emê tirê jê berdin û Tirkîyê ceza bikin“ û pê de çûbû.

Li ser vê lotika Martîn Schulz, şivanê Tirkîyê Erdogan pir aciz bû, pirça serê wî gijo mijo bû û bi hişkî bersiva gavan Martîn Schulz da.

Şivanê Tirkîyê Erdogan li Enqerê di vê derbarê de ji Schulz re got: „Ûlan oxlim. tu kî yî tu me tehdîd dikî! Çi ji destê we tê bikin, hûn dereng jî mane cîgerim“ û destê xwe li masê xist.

Lê lotika herî xweştir ev bû ku Erdogan xwe wek „şivanê Tirkîyê“ bi nav kir û got: „Binerin cîgerim, şivantiîyê piçûk nebînin. Heta mirov şivantîyê û felsefa şivantîyê nizanibe, mirov nikare mirovan birêve bibe. Allahwekîl ez jî şivan im“ û li bilûrê xist.

Ez serê we neêşînim kezebno, şivanê Tirkîyê Erdogan û gavanê Ewrûpayê Schulz wek dîk û mirîşk rabûne berberî hev. Yek şivanê Tirkîyê û yê din jî gavanê Ewrûpayê ye. Îcar wê şivan zora gavên bibe, yan wê gavan zora şivên bibe, xwedê zane..

Êêêêêêêêê kezebno!

Şivantî û gavantîyê piçûk nebînin ha..

Hûn jî wek Erdogan şivantî û felsefeya şivantîyê bixwînin ku hûn karibin kerîyên pez biçêrînin û di xew re bibin kekoooo….

Enqere

 

Categories
Ehmed BeyanKadînNivîskar
No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Xwezî ez pêlekê birêz Hemîd Derbendî bama!

    M. Bengo Ger mirov rewşa tevgera siyasî li rojavayî Kurdistanê bişopîne û bihûrbînî binirxîne , bêguman wê matmayî bimîne. Ji sala 1957 an de ta bi roja îro ev...
  • Amerîkayê xêrek din bi Kurdan kir

    Lotikvanên Amerîkayê, alîkarî li ser alîkarîyê dide Kurdan û wan di warê çek û trimbêlên leşgerî de dixemilîne. Amerîkayê vê carê xêrek din bi xwe kir û bi buhayê...
  • Dîko Amerîka tevlihev kir

    Kevîn Kurdson Serokê Amerîka û dinyayê Donald Trump, yanî Dîko, berî ku dev ji meqamê xwe berde çend lotik û zîtirkên dînomîno avêtin û Amerîka li hember dinyayê rezîl...
  • Nivîseke şolî

    Binivîsînin! Heta nuha min digot çima her kes dinivîsîne? Tenê bila yên ji heq nivîsandinê tên anku yên xwedan vîzyon û afîrîner binivîsînin. Li dij vê tevgerê derdiketim, lê...
  • Kurd û xwedê

    Doh… Kurdan bi şertekî misilmantî qebûl kiribûn û bi Xwedê re peyman çêkiribûn; heger Xwedê li gorî berjewendîyên wan tevbigerîya; na, heger Xwedê li gor berjewendîyên wan tevnegerîya, her...
  • Sernivîs û binnivîs, Arifo hema binivîs!…

    Li kêlek sobeya daran, li ser paldankê rûniştime. Min pişta xwe daye balîfê, lingên xwe avêtine ser hevdû, qurtek ji çaya li ser sêpêya li ber xwe diqurtînim. Berê...
  • Li ser pîyan…

    Qasî bîst metreyan ji min wêdetir, li ber şibakeya pencereyê, li ser kursîyeke li ber maseya xwarinê rûniştibû, bi zimanekî biyanî bi telefonê bi kesekî din re diaxivî jina...