Kê li ser te xwendiye xalo can?

 Hevserokê PYD xalê we Salih Mûslim, li Parlamentoya Ewropayê, di semînerek taybet de axivî û dîsa lotikek qerase li nav guhê Kurdistanek serbixwe xist û dijminatîya PDK kir. Xalê...

cemil-cewher

 Hevserokê PYD xalê we Salih Mûslim, li Parlamentoya Ewropayê, di semînerek taybet de axivî û dîsa lotikek qerase li nav guhê Kurdistanek serbixwe xist û dijminatîya PDK kir. Xalê me Salih Mislim, ragihand ku wan tenê bi PDK re arîşe û pirsgirêk hene û got: „Bi allahwekîl PDK çavkanîya pirsgirêkan e“ filan û fîstan.

Piştî ku sofîk û melayên Tehranê li dijî Kurdistanek serbixwe derketin bi çend rojan, xalê me Salih Mislim jî daw û delingên xwe hildan û di Parlamentoya Ewropayê da lotik û zîtirkan.

Salihê me di axavtina xwe de li dijî netew-dewletbûnê û serxwebûna Kurdistanê derket û got: „ Ez bi serê Beşar Esed bikim, modêla dewleta netewî li Rojhilata Navîn modêlek neguncaw e û ezmûna me li rojava jî serkevtî ye“ filan û bêvan.

Yanî, netew-dewlet û Kurdistanek serbixwe ne di rojevê de ye û ne pêwist e, modela wan ya Kartol û Kartonan serkeftî ye û ji xelkê re modêla herî baş û seksî û germik û nermik e.

Xalê me Salih Mislim, di derbarê PDK de jî axivî, çend mîrkut li nav serê PDK û Barzanî xistin, bi awayekî neyarane nêzîkî PDK û Barzanî bû û PDK wek bingeha arîşe û pirsgirêkan nîşan da.

Li gor gotina xalê me Salih beg, navbera wan û her mexlûqatî xweş e. Çi li rojhilat, çi li bakur, çi li başûr û rojava, navbera wan û her rêxistin û partîyê wek şîr û şekir xweş e, lê tenê PDK serê wan dêşîne û ji „modêla wan û xelkên çeqilmast“ re dibe arîşe.

Û çima PDK û Barzanî serê xalê we Salih û PYD, PKK, Îran, Iraq, Tirkîye û Sûrîyê dêşîne?

Ji bo ku PDK û Barzanî doza Kurdistanek serbixwe dike û piştgirîyê dide ENKS.

Ê law hey malnemîrato, xalo can, xwedêhişto, ma tu jî ji sala 1998 heta 2003an ne endamê PDK-S (Partîya Demokrata Kurdistana Sûriyê) bû? Çima wî çaxî te doza Kurdistanê dikir, lê niha tu bûyî dijminê Kurdistanê qurbano? Kê bazbend û nivişt ji te re çêkiriye, kê devê te girêdaye û morîka xewê xistiye guhên te, kê li ser te xwendiye ya Salih efendî?

Hema bi qasî ku tu li wan Erebên qûnreş û sofîk û melayên şaşikmezin difikirî, piçekî jî li brayên xwe yên Kurd û li welatê xwe Kurdistanê jî bifikire babam.

Ma ne eyb û şerm e tu gilîyê PDK di Parlamentoya Ewropayê de dikî û kêfa xelkê li brayên xwe tînî yewel!

Na na, ez dibêjim ev jî taktîk e û modêlek nû ye allahwekîl…..

Modêle ekolojîk, demokratîk û kartonolojîk e wesselam…

Hewlêr

 

Categories
Cemîl CewherNivîskar
No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Xwezî ez pêlekê birêz Hemîd Derbendî bama!

    M. Bengo Ger mirov rewşa tevgera siyasî li rojavayî Kurdistanê bişopîne û bihûrbînî binirxîne , bêguman wê matmayî bimîne. Ji sala 1957 an de ta bi roja îro ev...
  • Amerîkayê xêrek din bi Kurdan kir

    Lotikvanên Amerîkayê, alîkarî li ser alîkarîyê dide Kurdan û wan di warê çek û trimbêlên leşgerî de dixemilîne. Amerîkayê vê carê xêrek din bi xwe kir û bi buhayê...
  • Dîko Amerîka tevlihev kir

    Kevîn Kurdson Serokê Amerîka û dinyayê Donald Trump, yanî Dîko, berî ku dev ji meqamê xwe berde çend lotik û zîtirkên dînomîno avêtin û Amerîka li hember dinyayê rezîl...
  • Nivîseke şolî

    Binivîsînin! Heta nuha min digot çima her kes dinivîsîne? Tenê bila yên ji heq nivîsandinê tên anku yên xwedan vîzyon û afîrîner binivîsînin. Li dij vê tevgerê derdiketim, lê...
  • Kurd û xwedê

    Doh… Kurdan bi şertekî misilmantî qebûl kiribûn û bi Xwedê re peyman çêkiribûn; heger Xwedê li gorî berjewendîyên wan tevbigerîya; na, heger Xwedê li gor berjewendîyên wan tevnegerîya, her...
  • Sernivîs û binnivîs, Arifo hema binivîs!…

    Li kêlek sobeya daran, li ser paldankê rûniştime. Min pişta xwe daye balîfê, lingên xwe avêtine ser hevdû, qurtek ji çaya li ser sêpêya li ber xwe diqurtînim. Berê...
  • Li ser pîyan…

    Qasî bîst metreyan ji min wêdetir, li ber şibakeya pencereyê, li ser kursîyeke li ber maseya xwarinê rûniştibû, bi zimanekî biyanî bi telefonê bi kesekî din re diaxivî jina...