Pkk kî ye, çi ye?

PKK rojekê netewparêz, roja din dijberê netew-dewlet,  rojekê gelparêz-sosyalîst, rojekê oldar, rojekê xwedanenas, rojekê parêzerê qûnekên LGBT. Carna difire ezmanan, carna dadikeve û dibe xwedî û parêzerê hemi dinyayê....

cevat-sinet-kopie

PKK rojekê netewparêz, roja din dijberê netew-dewlet,  rojekê gelparêz-sosyalîst, rojekê oldar, rojekê xwedanenas, rojekê parêzerê qûnekên LGBT. Carna difire ezmanan, carna dadikeve û dibe xwedî û parêzerê hemi dinyayê. Herkesî dibîne, ji herkesî re dewletê dixwaze, lê tenê Kurdistana ku ew li ser dijîn û li ser şer dikin, nabînin.

Başe hûn çi ne babam?

PKK 40 sal e sîxur û ajanek nekujtiye, şaredarek nekujtiye, çima? PKK wekîlek, walîyek nekujtiye. Lê 40 sal in vî şerî di nava gelê Kurd de dike û bi hinceta „ajantî û xayîntîyê“ tenê Kurd kujtine. Başe, di nava 40 salan de PKK çi da gelê Kurd?  40 sal in strîyek jî di lingên generalên Qendîlê de ranebûye. Tenê wê fermanê bidin û xort û keçên Kurd bên kujtin.

PKK dewleta Kurdî naxwaze, çima? Tu pirsgirêka wê û ala dewleta Tirk jî bi hev re tuneye, pirsgirêka wê bi leşkerên Tirk re jî tuneye, bi dewletê re jî pirsgirêka wê tuneye, başe bi kê re pirsgirêka wê heye?

Bêguman bi Kurdan re..

Ji ber li Qendîlê jî kes hînî Kurdî nabe, kesên tên wir perwerdeya Tirkî û Kemalîzmê dibînin. Bela herî mezin a li ser serê gelê Kurd bêguman PKK ye. Lê êdî xilas, gelê Kurd rastîya xwe û PKK dît. Ji xeynî şîn û girî, xwînrijandin û koçberîyê pê ve PKK tiştek neda Kurdan. Şeref û namûsa gelê Kurd mabû, ew jî ji dest girtin. Bi navê jin-jîyan-azadî civaka Kurd jihevde xistin, malbat jihevde xistin, parçe kirin û tu wateya şeref û namûsê nehiştin. Li kuderê kesekî ku ne Kurd bû û ji çand û civaka Kurd dûr bû, xwedî li wan derketin. Wek Muharrem Erbey, Emîre Eren Keskin, Ayşe Gunaysu, û bi sedan kesên ku Kemalîst in û ne Kurd in, li ser serê Kurdan kirin serok û rêber.

Gotinek rehmetîyê Yilmaz Guney hebû.

Digot:

„Heke qehpik bixwazin bibin qehpik, bela bibin qehpikên xwende“.

Xuyaye xeyala Yilmaz Guney pêk hat.

Tu di gora xwe de rehet razê Yilmaz Guney, çavê te ronî be!

Gelek ji rêxistinên me bûn „qehpikên xwende“. Rêxistinên me gelek qehpikên xwende afirandin. Dewlet ji xwe jin û mêran dike fahîşe.

Ezê bi serpêhatîyekê dawî li nivîsa xwe bînim.

Serpêhatî rast e û qewimî ye.

Serpêhatî li Elezîzê çêbûye.

Salên 1960î. Ji ber xeletîya karmendê Nexweşxaneya Dînan, temamê dînan ji nexweşxaneyê direvin. Li kuçe û kolanên bajarê Elezîzê belav dibin. Yekûn 423 dîn reviyane. Meqamên dewletê dikevin helak û kelecanê, tên cem serokhekîm û „em çi bikin doktor beg“ dibêjin.

Wê demê Doktor Mutemet Beg ê navdar serokhekîmê nexweşxanê bû.

Mutemet Beg dibêje:

„ Pîpîkekê bidin min, xwe bi min ve bizeliqînin û bidin dû min“.

Doktor li pêş û çend karmend jî li pişt doktor dest bi lîztika trêna kaşkaşok dikin. Hemi bi hev re dikin „çuf çuf“ û deng bi ser bajêr dixin.

Texmîna serokhekîm Mutemet Beg rast derketibû. Temamê dînan xwe bi karmendan ve zeliqandin û ji trênê re bûn fargon û Doktor Mutemet beg jî wek lokomotîfa trênê dîsa berê wan da nexweşxaneyê. Herkes ji rewşa xwe bextewar bû,

Lê pirs û pirsgirêka bingehîn çi bû hûn zanin?

Êvarî gava dîn hatin saxtîkirin û hejmartin, hejmara kesên ku bi lîztika trênê re hatibûn nexweşxanê 612 kes bûn

Îcar heçê zane zane, heçê nizane jî mesela baqê nîskan e qurban…

cevatsinet@hotmail. com

Kurdistan

 

Categories
Cevat SinetKadînNivîskar
No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • Radyoya Êrîvanê sêwî ma

    rojnamevan û rewşenbîrê Kurdên Ermenistanê Keremê Seyad di 82 salîya xwe de ji nav me koç kir û em xemgîn kirin. Keremê Seyad, di 1960î de li Radyoya Êrîvanê...
  • Lotika Papa xweş lotik bû

    Serokê Vatîkanê û Serokê Rûhanî ê Mesîhîyên Cîhanê Papa Franciskus di 07.03.2021ê de pêşî serdana Iraqê û piştre jî serdana Kurdistanê kir. Papa li Bexdayê bi şûr û kêran...
  • Başûrî, mîrasê serokê nemir Mistefa Barzanî dixwin…

    Rojhat Amedî Sed heyf û mixabin em îro dibînin ku jimareyek berçav ji desthilatdarên başûrê Kurdistanê tenê bi gotin li ser rêbaza Barzaniyê nemir mane. Tenê li ser mîrasa...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Sekn û helwesta serek û rêberan

    Di şerê cîhanê yê duyem de nazîyên Hîtler lawê Stalîn ê leşker hêsîr digirin. Rûs jî generalekî almanan hêsîr digirin. Ji bo pevguhertina hêsîran danûsitendin dest pê dikin. Lê...
  • Serok Papa

    Serok Papa siwar hat û peya çû, lê dixan û hicac li pey xwe hişt û çû. Carinan hesabê malê û sûkê li hevdu dernakeve, mixabin û bêhişî û...
  • Rê û rêwîtî û serpêhatîyên şifêran

    Ev du roj in ez rêwî me; ez derketime rêwîtîya peyvan. Heta ev rêwîtî bi dawî bê, ez ê tenê li ser vê rêwîtîyê û serpêhatîyên şifêrên heval binivîsînim....
  • Sernivîs û binnivîs, Arifo hema binivîs!

    Li kêlek sobeya daran, li ser paldankê rûniştime. Min pişta xwe daye balîfê, lingên xwe avêtine ser hevdû, qurtek ji çaya li ser sêpêya li ber xwe diqurtînim. Berê...