Barzanî, ala Kurdî hilda banî

Berê jê re digotin “Serokeşîr, feodal, paşverû, axa” filan û bêvan. Piştre hêdî hêdî çûn ber lingên wî û li Hewlêrê li bin ala Kurdî rûniştin. Berê digotin “Kuzey...

Berê jê re digotin “Serokeşîr, feodal, paşverû, axa” filan û bêvan. Piştre hêdî hêdî çûn ber lingên wî û li Hewlêrê li bin ala Kurdî rûniştin. Berê digotin “Kuzey Iraq”. Piştre hêdî hêdî gotin “Kuzey Iraq Bolgesel Kurd yonetimi”.

Û piştre çi bû?

Gotin: “Kurdistan”.

Gotin: “Kuzey Irak Kurd bolgesi başkani”.

Û niha?

Niha jî wek serokê dewletekê, wek serokkomar û serokwezîrekî pêşwazîya wî dikin û merşên sor li ber lingên wî radixin.

Tew ji xwe hewce nake em behsa wî û pesindanên Ewrûpîyan ji bo wî bikin. Amerîka, Ewrûpî û piranîya dewletên cîhanê êdî bi çavê serokê dewleta Kurdî, serokê Kurdistanê lê dinerin û pê re rûdinên.

Ê helbet, gava Amerîka û dewletên din bi vî awayî û bi vî çavî pêşwazîya Mesûd Barzanî dikin, dewleta Tirk jî mecbûr dimîne bi heman helwestê pêşwazîya Barzanî bikin.

Tirkên ku berê ji ala Kurdî re digotin “paçik” û “bez parçasî”, îro ala Kurdistanê li Stenbol û Enqerê li asîmanên xwe dadiliqînin û ala Kurdî di dilê wan de pêl dide. Serokkomar û serokwezîrên wan êdî di meqamên xwe de bi ala Kurdî pêşwazîya wî dikin û li Hewlêrê di bin ala Kurdî de mizakereyan pê re dikin.

Aha ew kes û kesayet pêşmerge Mesûd Barzanî ye.

Ew kesayetê ku serokên dinyayê tîne ber lingên xwe, pêşmerge Mesûd Barzanî ye.

Axir…

Serokê Kurdistanê Mesûd Barzanî roja Yekşembê silavek li Tirkan kir û hat Tirkiyê. Di hatina wî de rayedarên dewleta Tirko li balafirgeha xwe ya li Stenbol û Enqerê li gel ala Tirkiyê û Iraqê ala Kurdistanê jî daliqandin. Serokwezîrê Tirkiyê Binalî Yildirim di meqamê xwe de bi ala Kurdistanê pêşwazîya Barzanî kir. Al nîşana hebûna milletekî ye, nîşana dewletekê ye, nîşana hebûn û tunebûnê ye. Aha mesela bingehîn û girîng ev e.

Ev cara yekem e ku rayedarên dewleta Tirko li balafirgehên xwe ala Kurdî/Kurdistanê bilindî ber perê asîmanan dikin. Ev helwesta nû wek nîşana guhertinên nû tê û hat nirxandin û bala awira gelemperî kişand. Lê çi hikmet be Kurdên me yên Tirkmanc, çeqilmast û tirşikçîyên dewletên dagîrker dîsa tirşika xwe xwarin û bi hatina Barzanî û pêlvedana ala Kurdî kêfxweş nebûn, aciz bûn û dest bi zîtirkên dijminatîyê kirin.

Serdana Barzanî û pêlvedana ala Kurdistanê ji alî nîjadperestên Tirk, partîya CHP û çapemenîya PKK ve bi neyartî hat rexnekirin. Lotikvan û çapemenîya PKK, alîgirên CHP û MHP di dijberîya Barzanî û ala Kurdistanê de bûn yek û di kesayetîya Barzanî de dîsa dijminatîya Kurdistanê kirin.

Helbet meriv dijminatî û neyartîya MHP û CHP fêhm dike. Lê gava PKK jî dikeve refê wan nîjadperestan û dijminatîya Kurd û ala Kurdistanê dike, aha zêdebûna ser kezebê ew e. Tu dibê qey ne ew bûn ewên go digotin “Em AKP li ser lingan dihêlin, me jî alîkarîya AKP kiriye” filan û fîstan. Tu dibê qey ne ew bûn ewên go li Oslo û Îmralî bi MÎT a Tirk re rûdiniştin û bazara tirşika haştîyê dikirin. Lê ku Barzanî wek serokê dewletekê tê Tirkiyê û wek serokdewlet tê pêşwazîkirin, nûr di çavên Kurdên Tirkmanc û çeqilmast de namîne ha ha êrîşî cenabê wî dikin.

Û çima?

Çima ku Barzanî doza dewletek serbixwe dike, Kurdistanek serbixwe dixwaze û serî ji kesî re natewîne.

Ez serê we neêşînim kezebno, bawer bikin kesên go hefsarê wan di destê xelkê de bin û neyartîya qewmê xwe bikin, wê tim û tim kurtanê kerên xelkê bin wesselam…

Mêrdîn

Categories
NivîskarPîrkemal
No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • Radyoya Êrîvanê sêwî ma

    rojnamevan û rewşenbîrê Kurdên Ermenistanê Keremê Seyad di 82 salîya xwe de ji nav me koç kir û em xemgîn kirin. Keremê Seyad, di 1960î de li Radyoya Êrîvanê...
  • Lotika Papa xweş lotik bû

    Serokê Vatîkanê û Serokê Rûhanî ê Mesîhîyên Cîhanê Papa Franciskus di 07.03.2021ê de pêşî serdana Iraqê û piştre jî serdana Kurdistanê kir. Papa li Bexdayê bi şûr û kêran...
  • Başûrî, mîrasê serokê nemir Mistefa Barzanî dixwin…

    Rojhat Amedî Sed heyf û mixabin em îro dibînin ku jimareyek berçav ji desthilatdarên başûrê Kurdistanê tenê bi gotin li ser rêbaza Barzaniyê nemir mane. Tenê li ser mîrasa...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Sekn û helwesta serek û rêberan

    Di şerê cîhanê yê duyem de nazîyên Hîtler lawê Stalîn ê leşker hêsîr digirin. Rûs jî generalekî almanan hêsîr digirin. Ji bo pevguhertina hêsîran danûsitendin dest pê dikin. Lê...
  • Serok Papa

    Serok Papa siwar hat û peya çû, lê dixan û hicac li pey xwe hişt û çû. Carinan hesabê malê û sûkê li hevdu dernakeve, mixabin û bêhişî û...
  • Rê û rêwîtî û serpêhatîyên şifêran

    Ev du roj in ez rêwî me; ez derketime rêwîtîya peyvan. Heta ev rêwîtî bi dawî bê, ez ê tenê li ser vê rêwîtîyê û serpêhatîyên şifêrên heval binivîsînim....
  • Sernivîs û binnivîs, Arifo hema binivîs!

    Li kêlek sobeya daran, li ser paldankê rûniştime. Min pişta xwe daye balîfê, lingên xwe avêtine ser hevdû, qurtek ji çaya li ser sêpêya li ber xwe diqurtînim. Berê...