Bavê Cengo
Hevserokê Kurdên sererd û binerd û serlotikvanê PYD mamê me Salih Mislim, dîsa lotikek berûpaş avêt û xwelî li serê Kurdên Rojava kir.
Mamê me Mislim, ji ajansa Alman DPA re axivî û çend lotikên dûrî aqilan û kesanedî avêtin.
Çi gotiye mamê we Mislim?
Gotiye: „Bi allahwekîl, bi sê telaqên jinberdanê, em ne ji bo xewna serxwebûna Kurdistana Sûrîyê yan jî Kurdistanek serbixwe dixebitin. Xewna me xewna Sûrîyeyek demokratîk e yaxî“ û pêde çûye.
Kuro aferîn ji te û partîya te re!
Niha hûn bi qedrê xwedê û pêxember kin, ma ji rastîyê xweştir heye?
Ma mamê me Mislim derewan dike?
Rastîya xwe û partîya xwe dibêje babam, çima hûn jê aciz dibin û wî dihetikînin lo?
Kurdên me yên ne hevalên PKK û PYD rabûne ser tapana, didin lotik û zîtirkan û mamê me Mislim rexne dikin.
Kuro law, ma bela mamê we Mislim derewan bike oxlim?
Mêrik çi diparêze, bi bawer dike, wê dibêje.
Ma rastî qebhet e yaxî!
Qamişlo
Zêdetir
Şahê Îranê lotikek avêt û bang li Îranîyan kir
Ne şîş şewitandin ne kebab
Îranê tir ji Îsraîlê berda