Dez 1, 2020

Jina Kurd im ez naz û delalim

Zana û hêmin, jîr û ciwanim

Li deşt û newalan, wekî xezalen

Xodayê evînê,  ji eşqê re hevalim

Bibîne bixwîne,  ji wan reng û rûyan

Dixwazim bijîm ez, wekî we hemûyan

Wekhevî weke însan, ne wek heywan

Naxwazim bijîm ez bi girîn û  jan

Tu hey Kurdo, were merdo bi mêranî

Jina  Kurd bûn çiqas zore tu nizanî

Em tên kuştin bi destên we bi hêsanî

Şeref namûse, bedel xwîn û bêxodanî

Jin bi jinî, evîna reş, kotek û lêdan

Li her warî, bo çi em jin dibin qurban?

Bo Kurdistan  me xebat kir bi rih û can

Şer û xebat, bûne şehîd, heta neman

Rojek nîne bê xwe kuştin û şewtandin

Zilm û zorîya  ser  jinê,  jin  helandin

Mêrên zordest, civaka me paş hêlandin

Nîne çare, ji bilî wê xwe guherandin

Ez im Keça duhî, jina îro, dayka caran

Dilê xemgîn pir der û êş li dem û dewran

Xweş kin dilan, evan gulan, dilê daykan

Rêz û hurmet, qedr û qîmet, ji boy jinan

 

Ûrmîye

Rojhilatê Kurdistan


Windows 10 Kaufen Windows 10 Pro Office 2019 Kaufen Office 365 Lizenz Windows 10 Home Lizenz Office 2019 Home Business Kaufen Windows 10 Lisans Office 2019 Mac Satın Al
%d Bloggern gefällt das: