Okt 28, 2011

    Bekçî û parêzerên ala Tirko!

    • by Lotikxane
    • 8 Years ago
    • Kadîn
    • 359 Views
    • Comments Off

    De werin û xwelîya heft gundan li serê Kurdan nekin û çewalan nexin serê wan. Ez bawerim heke Kurd ne misteheq bûna, rebbê alemê Kemalîst û dewşîrme nedikirin serok û rêberên wan.

    De ji xwe re li zîtirka xalê me Hasîp Kaplan û partîya wî binerin û têra xwe bifikirin.

    Xalê me Hasîp Kaplan, di dema serdana heyeta TUSÎAD ê de lotikek Tirkane û Kemalîst avêt û li ser navê Kurdan li Kurdan siwar bû.

    Kaplan efendî çi bêje başe hûn zanin?

    Gotiye: “Jina min ji min berdayî be, bi şeş telaqên jinberdanê, heke ne ji partîya me be ala Tirkiyê bi azadî li Kurdistanê pêl nade. Ez pir vekirî dibêjim, tabûrek û bînbaşîyek nikare li serê çiyan ala Tirkiyê biparêzin, lê em diparêzin. Em diparêzin ji ber ew nirxê me yê hevbeş e” filan û jehr û ziqûm.

    Law Kurdo!

    Law xwelîsero!

    Law ehmeqo, peppûko, bêmecalo!

    Tu keç û xortên xwe bişîne serê çiyayên Kurdistanê,  bela ew ji bo xeyala Kurdistanek serbixwe şehîd bikevin, bela serokên wan ên Kemalîst, bekçî û parêzerên yekîtîya xaka Tirkiyê û ala wan jî li ser pişta xwîna keç û xortên Kurd zikê xwe mezin bikin.

    Wey tifûûûûûûû li me be ku em didin dû van sermezin û zikmezinên Kemalîst û xelas!

    Amed

    • facebook
    • googleplus
    • twitter
    • linkedin
    • linkedin
    Previous «
    Next »
    %d Bloggern gefällt das: