Dez 1, 2020

Serfermandarê artêşa mehmetçivîkan ê teqawîtbûyî Îlker Başbûx ji alî hukûmeta Erdoxanê qasimpaşayî ve hat girtin. Dest û lingên wî bi werîsekî ji wan werîsên ku Mahmûdê Rizo êzing li ser pişta keran dişidand girêdan û ew xistin hundurê telîsekî û berê wî dan girtîgeha Silîvriyê. (Di dijminayiya Mahfelîtî û Şerefiyan de jî Dawiko ji ber eskeran xwe di hundurê telîsekî de veşartibû)

Her çiqas Îlker Başbûx bi dest û lingên girêdayî di nav lepên cewrikên Erdoxan de kir warewar û got hewce nedikir ku we dest û lingên min girêbidaya, ez nedireviyam jî, ji wî bawer nebûn û dest û ling bi werîs girêdan û serî wî kirin diya wî, ew xistin hundurê telîsekî û berê wî dan girtîgehê.

Rast derew dibêjin Îlker Başbûx piştî ku fêhm kir ew ê wî bişînin girtîgehê, ji rayedarên dewletê xwestiye ku li Îmraliyê razê, lê rayedaran jê re gotine, `Oxlim ma kîloyê te çî ye ku tu li Îmraliyê razê! Ji bo tu li Îmraliyê razê kêmanî her hêkeke gunê te divê heft kilo û nîv be ewladim, lewma jî em ê te bişînin Silîvriyê qawîşa jêlêtçî Mihê…

Herdu destên Jilêtçî Mihê li ser berzikê, li devê deriyê qawîşê serfermandarê artêşa mehmetçivîkan pêşwazî dike. Deriyê qawîşê vedibe û serfermandar Îlkero bi gavên fisek dikeve hundur. Derî li ser tê girtin û ew û Jilêtçî Mihê tenê dimînin. Rebeno wek ku şeytan pê keniyabe, rûyê wî ji tirs û xofê zer xeniqiye. Li dora xwe dinêre, kêliyekê bêdeng li ser lingan radiweste. Çavên xwe digre û bi dengekî nizm di ber xwe de dibêje, `Hey dinyayê hey dinyayê min diniyayê te diniyayê… Ez çi bûm, ez bûm çi?`

Bi hakehaka Jilêtçî Mihê çavên xwe vedike. Jilêtçî Mihê dibêje, `Îlkercixim, hela ka were li kêleka kekê xwe runê lo. Dinya çiqas biçûk e, ne wisa? Kî bîra ez û serfermandarê zirecêm ê artêşa tc bibin hevalên hev ên qawîşekê kuro. Qey dinya dike xera bibe. Lê oxlim Îlker li vir zagonên te û dewletê derbas nabe, hayê te jê hebe. Ji bo min ferqa te pozkurmî Şêxo tune. Li derve ez û Şêxo çi bûn, li vir jî ez û tu yê jî ew gû bin. Yanî pêşîn pêşîn ji paşayê xwe re bibêjim. Xwe li ser serê min mezin neke û nebêje ez serfermandar im û niza quzê kerê me, rêxa dahşikê me, Alahima pêxemberime ez ê te bidim ber jilêtan. Te fêhm kir cîgerim? Niha xwe rehet bike û razê. Bi xêr bila bibe sibe, hişê te baş bê serê te û tu fêhm bikî ku êdî rewşa te rewşa zilito ye û av çûye qûna te, em ê wê çaxê li ser rewşa xwe û pêşeroja xwe bipeyivin.

Serfermandar li hember van gotinên Jilêtçî Mihê yên hişk û tije tirs û xof dilerize. Deng jê dernakeve. Jilêtçî Mihê derpiyekî xwe yê sentatîk û xetxetî ji bahola xwe derdixe û dide destê serfermandar, dibêje, `Vî derpiyî li xwe ke heta zarokên te cil milên te tînin. Lê tê de tir û fisan neke. Ez paqij didim te, paqij dixwazim. Û wî dişîne ranzeya ser xwe. Serfermandar bi ranzeyê radipelike û derdikeve jor. Li ser piştê herdu destên xwe dike bin serê xwe û dikeve mitalan. Ji jêr Jilêtçî Mihê dibêje, `Em wek we ne hov in oxlim.` piştî kêliyekê herdu jî di xew re diherin…

Dibe sibe û Jilêtçî Mihê li ser kursiyê rûdinê, Îlkero li hember xwe şpiya disekinîne û qeyde û zagonên xwe jê re rave dike:

1: Ji niha şûn de navê te Zinar e.

2: Di xew de xurexur qedexeye. Dengê xurexura te bê min, ezê pêlî zikê te bikim û tira ji te berdim.

3: Ji niha şûn de tu berpirsê çayê yî. Ez çaya qaçax vedixwim, bila hayê te jê hebe. Ez bibihîzim ku te çaya qaçax ji bilî min daye hinekan ez ê te tirdebûzî bikim.

4: Di zindana Amadê de we neynûkên hevalan ji binî de radikirin. Niha jî tu yê heftê rojekê neynûkên dest û lingên min bi awayekî hîjyen jêbikî.

5: Ez wek te ne faşîst im, lewma jî tu karî bi zimanê xwe bipeyivî, lê divê tu kurdî jî hîn bibî.

6: Dema serşuştinê tu yê bi lûfikê pişta min kef bikî û bifirkînî…

7: Bi xwe xweşanîn, bi şeytan kenandin an şeytan bi xwe kenandin qedexe ye.

8: Ji duwazdehê şevê û wê de kirina tir û fisan qedexeye.

9: Dema tu aciz bû, hayê min jê çêbike, hêkên gunê min ji bo stresê pir baş e. wan çar-pênc deqeyan di kefa destê xwe de bibe û bîne, stress-mitres bi te re namîne.

10: Ji niha şûn de xwediyê te ne dewlet ez im. Bi xêr ku me cezayê xwe qedand û em derketin. Em ê bi hev re herin li Amedê restoraneke cîgerê vekin û em ê bi xwêdana iniya xwe debara xwe bikin.

11: Heke bû qismet em ji nû ve zewicîn û zarok marokên me jî çêbûn, em ê bibin kirîvên hev…


Windows 10 Kaufen Windows 10 Pro Office 2019 Kaufen Office 365 Lizenz Windows 10 Home Lizenz Office 2019 Home Business Kaufen Windows 10 Lisans Office 2019 Mac Satın Al
%d Bloggern gefällt das: