Welatê goştê ker û bergîlan

Wê şevê li bajarê Bûrsayê ez çûm aşxaneyekê. Dilê min diçû goştê birajtî, de min go salê carekê be jî ezê zikê xwe bi goşt dagirim, bila zikê min...

Wê şevê li bajarê Bûrsayê ez çûm aşxaneyekê. Dilê min diçû goştê birajtî, de min go salê carekê be jî ezê zikê xwe bi goşt dagirim, bila zikê min kêf û seyranê bike.

Wele ez çûm. Min goştê xwe xest, sênîya min tije goşt kirin, selete, îsot û dew û ez ketim ser, bixweeeeeee û her bixwe, min zikê xwe kir meşk û heban.

Êvarî ez hatim malê, ketim nav livînê û razam. Yabo ma min xewnên ecêb dîtin, di xewna min de bergîl û qantiran ez didam ber lotik û zîtirkan, bi lotikên bêîman hestîyên min hûr hûrî dikirin. Wele ez ji xew veciniqîm, ez di nav xwêdanê de mabûm. Law ev çi xewn bû gidî? Ker û bergîlan çi ji min dixwest?

Axir, rabûm min lawik şand rojnameyek ji dikanê kirî, li ser masa taştê rûniştim û min rojname xwend. Ez çi bibînim başe? Li wê restoranta ku min goşt lê xwaribû goştê ker û bergîlan dihat firotin. Polîsan girtibû ser restorantê û bi tonan goştê ker û bergîlan girtibû.

Haaaaa, îcar min sedema xewna xwe û lotikên ker û bergîlan fêhm kir ellawekîl. Naxwe wan kûçikbavan goştê ker û bergîlan dabûn min jî. Û ji ber wê jî ker û bergîlan di xewnê de heyfa xwe hiltanîn û ez didam ber lotik û zîtirkên bêîman.

Wey tifûûûû, ez di wilo mirovatî, di wilo bêwîjdanî û di wilo welat de bimîzim erê wele. Law li Tirkiyê ji goştê mîh û berxan pêve her ziqûm goşt didin mirovan. Ji bo çend qirûsên zêde qezenc bikin segbavan mirov ji dîn û îman derdixin, bi jehrî dixin û dinihên qûna mirov. Ma li Tirkiyê bi navê goştê mîh û berxan çi nayê firotin, goştê berazan, goştê ker û bergîlan, goştê insan û mirovan, goştê mişk, pisîk û kûçikan, hema bi hejmartinê xilas nabe wesselam.

Îcar haya we ji restorantên Tirkiyê hebe gelî xwendevanan. Heke di xewna we de ker, bergîl, beraz û seg û pisîk êrîşî we bikin, bizanin ew restoranta ku we lê xwarin xwariye goştê her mexlûqatan difroşe û hûn sax…

Bûrsa

Beş
Kadîn

Zêdetir

  • Hesab

    Xêrxwaza Dêrikî Dema em ji serboriyan sûde wernegrin têkçûyîn û windakirin ne dereng e, lewra heke em li xwe werneqilin û neponijin ji vebal, bedel û gunehan berpirsiyar em...
  • Li welatê ku aqil ji seriyan koç kiriye

    Li welatê ku aqil ji seriyan koç kiriye, sohbet û şevbuhêrk hemû li ser siyasetê û dîn e. Wê şevê em li malekê mêvan bûn. Ji xêndî me du...
  • Zikê têr hay ji zikê birçî tuneye.!

    Xêrxwaza Dêrikî Ezê qala salên borîn, zilm û zorê, bedel û têkçûyînê nekim, êdî qala peyvên qelew û kilasîk jî nekim. Çimkî ji dîrokê û virde bi hezaran şîret...
  • MAL NÎNE KERXANE YE!

    Cejna Remezanê derbas bû, çavên zarokan li şekir û peran bû. Dest maç kirin şekir û pere berhev kirin. Ev jî rengînîya cejnê ye. Kevneşopîya bav û kalane ku...
%d Bloggern gefällt das: