Ewnî Alî gulek pêşkêşî Lotikxanê kir

Kekê me Ewnî Alî gulek sor û mor pêşkêşî xebatkarên eşîreta Lotikxanê kir. Her çiqas me  got „bihêle bila ew gul di nav gulîstana te de bimîne, bila şalûl...

Kekê me Ewnî Alî gulek sor û mor pêşkêşî xebatkarên eşîreta Lotikxanê kir. Her çiqas me  got „bihêle bila ew gul di nav gulîstana te de bimîne, bila şalûl û bilbil li ser gula te bixwînin“ jî, lê ciwamêr got na û ew gula sor çinî û bi rêya Fisbook ê ji me re şand.

Ewnî Alî, li Skandînawyayê ji bo hikûmeta Kurdistanê xizmetên baş û giran biha kiribûn. Niha jî wek „Berdevkê Çapemenîyê yê Hikûmeta Kurdistanê“ xizmeta xwe didomîne. Em bi navê lotikvanên sererd û binerd spasîya cenabê wî û hevalên wî dikin, spas ji bo wê gula sor kek Ewnî!

Lê ya xweştir hîna maye..

Li gor me bihîstiye, kekê me Ewnî Alî xanîyekî ji xwe re lêdike û dest bi kolana bingeha xênî kiriye, kamyon û qrêder anîne ser. Car caran jî ew bi xwe bi bêr û qazmeyan esasê xanîyê xwe dikole û bi xwêdana xwe xanîyê xwe temam dike.

Li gora ku sîxurên me radiginînin, dibêjin kekê me Ewnî Alî soz daye ku odeyek (mezel-xurfe-jorî) ji xanîyê xwe wek „baregeh“ diyarî Lotikxanê bike û Sofî Xelef tê de bi cîh bike. Helbet wê Sofî Xelef di wê odeyê de bi „xar û qirûş“ nelîze. Wê bîranîn û serpêhatîyên xwe û Xaltîka Fatê binivîse, wê tehlîl û analîzên hûr û kûr li ser lêkirina xanîyan bike û pirtûkek qerase jî li ser „Ewnî Alî çima ew gula sor çinî“ binivîse.

Ez serê we neêşînim, ji berê de dibêjin „Mala pîrê stara pîrê ye„. Hêvîdarim kekê me Ewnî Alî xanîyê xwe di demek zû de temam bike û rojek ji rojan wek mêvan em di dîwanxaneya wî de goştê mirîşk û elokan bixwin..

Duhok

Categories
Kadîn
  • Aş diçe wan daye dû çeqçeqê

    Mirad Bîlgîç ‘Ziman mala hebûnê ye’ Martîn Heîdegger ‘Ziman ne gelek tişt e; ew her tişt e.’ Adar Jiyan Ji bo zimên heta niha gelek tiştên giranbuha hatine gotin...
  • PKK û bangewazîya yekîtîyê

    Metîn Pîranî – Sekreterê Gişti yê Hereketa Azadî PKK û rêxistinên pê re ji mêj ve ye ku behsa Yekîtiya Neteweyî, diyalog û biratiya di nav Kurdan de dike....
  • Di siyaseta Kurdan de giringiya ehlaq!

    Dara Bîlek Gelek caran di siyasetê de mijara ehlaq jî tê gotûbêj kirin, ehlaq di lepta insanan û jiyana wan ya rojane de derdikevê pêş û gelek caran insan...
  • Talîş kî ne ?

    Ugur Dursun Adsız Îro Kurdên Talîşî bi gelemperî di derdora Çîyayên Talîş, di navbera devletên Azerbaycan û Îranê de nîştecih bûne. Li taya Azerbaycanê de ji bajarên Başûrê Azerbaycanê...