Her du encumenên Kurd ên li rojavayê Kurdistanê (Encumena Niştimanîya Kurd li Sûrîyê – ENKS- û Meclîsa Gel a Rojavayê Kurdistanê-MGRK) piştî lotik û zîtirkên dûr û dirêj protokolek di navbera xwe de îmze kirin û li ser çend xalan li hev kirin.
Wey li ser xêrê be rebbî!
Şabaş ji ENKS û MGRK re şabaş!
Yek ji xalên ku li ser prokola lihevkirinê hatiye îmzekirin, vekirina dergehê Sêmalka, berdana girtîyên siyasî û avakirina komîsyonekê li ser bûyerên Amûdê û Tilxezala ye. Wê komîsyon ji 11 kesên qerase pêk bê. Her weha her du lotikvanan li hev kirin ku bi yek şandê beşdarî kongreya Cinêv 2 bibin û dest bi lotikan bikin.
Ê de ma xwedê û Şêx Evdilqadirê Geylanî!
Ya rebbî tu tifaqa ENKS û MGRK xirab nekî!
Ya rebbî tu wan li ber dilê hev bikî şîr û şekir!
Û heke dîsa wek berê li hev nekirin û dest bi zîtirkan kirin, ya rebbî tu topa qiyametê di nav doxîna wan de biteqînî!
Amîn!
Qamişlo
Zêdetir
Şahê Îranê lotikek avêt û bang li Îranîyan kir
Îranê tir ji Îsraîlê berda
Sûdanî lotikek avêt û pesnê Amerîkayê da