• Mi. Dez 8th, 2021

Xalê me Cemîl jî aştîyê dixwaze

VonLotikxane

Mai 21, 2014

Yek ji serokên eşîreta Jîrkîyan (Mala Hisên) xalê me Cemîl Oter, ji çapemenîyê re anî zimên ku ew jî aştîyê dixwazin û naxwazin êdî Kurd şerê Kurdan bikin.

jirki-asiretiCemîl Oter, di hevpeyvînekê de got ku „Heke dewlet vê aştîyê dixwaze û pêk bîne, emê jî piştgirîyê bikin, em jî aştîyê dixwazin. Her çiqasî me û PKK şerê hev kiribe û me qûş li hev qetandibe jî, lê em amade ne vê brakujîyê ji bîr bikin û li hevdu helal bikin“ filan û fîstan.

Cemîl Oter, di derbarê partîyên dewletê yên wek CHP û MHP de jî got: „Ew çiqasî Tirk bin, ez jî ewqasî Tirk im. Lê heke ew jî mêr bin û zilam bin, wê bêjin Kurd çiqasî Kurd bin, em jî ewqasî Kurd in“ û da bin dûvê CHP û MHP.

Werhasilî kelam, xalê me Cemîl Oter û eşîra xwe amade ne dijminatîya berê ji bîr bikin û êdî Kurd şerê Kurdan nekin. Heta niha zêdeyî 70 mêrî ji eşîra wan hatine kujtin. Ê helbet ev lotik kêfa dewleta virqo jî tîne, çawa be Kurd Kurdan dikuje û li hesabê wan jî tê. Lê dil dixwaze ku Kurd êdî dev ji lotik û zîtirkên xwe berdin û serê hevdu neşkînin.

Ê de xwedê bikim xalê Cemîl.

Xwedê bikim go êdî Kurd şerê hevdu nekin û kêfa dijminan li me neynin..

Colemêrg

Schreibe einen Kommentar

Deine E-Mail-Adresse wird nicht veröffentlicht.

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.