Ê de ma xwedê!

Belê, dolheram û çeqilmastên çeteyên DAÎŞ û ÎŞÎD ê bajarê Mûsilê dagîr kirin. Ne tenê li başûr, herweha ev dolheramên hov li rojavayê Kurdistanê jî bûne bela serê Kurdan....

Belê, dolheram û çeqilmastên çeteyên DAÎŞ û ÎŞÎD ê bajarê Mûsilê dagîr kirin. Ne tenê li başûr, herweha ev dolheramên hov li rojavayê Kurdistanê jî bûne bela serê Kurdan. Lê tiştek pir eşkere û vekirî ye. Sermezinê Beşar Esed, pozmezinê Nûrî Malikî ( helbet sofîk û melayên Îranê li pişta wan e) û qamdirêjê Erdogan pişrgirîyek mezin didin van çeqel û keftaran. Yan na, DAÎŞ û ÎŞÎD nikarin bi serê xwe tirşika kelandî bixwin.

pkky Kopie

Axir, çeqel û keftarên DAÎŞ, ÎŞÎD û quzê kerê bajarê Mûsilê xistin bin destê xwe. Bi 5 hezar çeqel zora 60 hezar keftarên Nûrî Malikî birin û qûn li wan qetandin. Helbet ev lotik ji bo Kurdan lotikek xeter û xirab e. Ji niha û şûnde îcar wê ev bîjî berê xwe bidin Kurdistana azad jî. Wê serê Kurdekanên başûr pir bêşînin û cîh li wan teng bikin. Her çar dewletên dagîrker wê hefsarê DAÎŞ û ÎŞÎD ê berdin û wan wek gurên har bişînin ser Kurdistana azad.

Werhasil, di vê derbarê de PKK û YPG lotikek xweş avêtin û gotin: „Em amade ne li gel pêşmerge şerê wan dolheramên DAÎŞ û ÎŞÎD ê bikin. Em amade ne başûr ji zîtirkên wan keftaran biparêzin“ filan û fîstan.

Helbet gotina xweş xweş e. Heke ne ji dil û kezebê be jî, dîsa xweş e. Lê hêvîdarim ev lotika PKK û YPG ji dil û kezebê be.

Axir, em vê lotika PKK û PYD pîroz dikin û hêvîdarin wê di binê vê lotikê de zîtirk û dek û dolabên din tunebin.

Çi gotiye fîlozofê mezin Sofî Xelef?

Gotiye: „Stûn bingeha xênî ye, heke stûn ne saxlem be, wê xanî biherife û hilweşe“.

Îcar qurban, partîyên Kurd jî stûnên Kurdistanê ne. Heke ne bi tifaq bin, ne yekrêz û yekdest bin, hem ewê têk biçin û hem jî wê Kurdistan ji çeqel û keftaran re bimîne.

Ê naxwe bijî yekîtî û bimre brakujî û hew!

Hesekê

 

Categories
Kadîn
No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • Bê çete jiyan nabe!

    Z.Brîndar Kurd milletekî ecêb in. Serok û rêvebirên Kurdan hîn ecêbtir in. Tew siyasetmedarên wan ji tevan ecêbtir in. Li şûna ku ji bo yekîtî û xurtkirina tevgera rizgarîxwaza...
  • Aş diçe wan daye dû çeqçeqê

    Mirad Bîlgîç ‘Ziman mala hebûnê ye’ Martîn Heîdegger ‘Ziman ne gelek tişt e; ew her tişt e.’ Adar Jiyan Ji bo zimên heta niha gelek tiştên giranbuha hatine gotin...
  • PKK û bangewazîya yekîtîyê

    Metîn Pîranî – Sekreterê Gişti yê Hereketa Azadî PKK û rêxistinên pê re ji mêj ve ye ku behsa Yekîtiya Neteweyî, diyalog û biratiya di nav Kurdan de dike....
  • Di siyaseta Kurdan de giringiya ehlaq!

    Dara Bîlek Gelek caran di siyasetê de mijara ehlaq jî tê gotûbêj kirin, ehlaq di lepta insanan û jiyana wan ya rojane de derdikevê pêş û gelek caran insan...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Xwezî ez pêlekê birêz Hemîd Derbendî bama!

    M. Bengo Ger mirov rewşa tevgera siyasî li rojavayî Kurdistanê bişopîne û bihûrbînî binirxîne , bêguman wê matmayî bimîne. Ji sala 1957 an de ta bi roja îro ev...
  • Amerîkayê xêrek din bi Kurdan kir

    Lotikvanên Amerîkayê, alîkarî li ser alîkarîyê dide Kurdan û wan di warê çek û trimbêlên leşgerî de dixemilîne. Amerîkayê vê carê xêrek din bi xwe kir û bi buhayê...
  • Dîko Amerîka tevlihev kir

    Kevîn Kurdson Serokê Amerîka û dinyayê Donald Trump, yanî Dîko, berî ku dev ji meqamê xwe berde çend lotik û zîtirkên dînomîno avêtin û Amerîka li hember dinyayê rezîl...