Endamê Konseya Rêvebir a KCK xalê me Sabrî Ok lotikek xweş avêt, tepa xwe li nav serê AKP û HDP xist û tirr ji wan berda.
Qeraseyê zilqaman Sabrî Ok, li ser rewşa dawîn û devjêberdana çek û sîlehan ji ANF re axivî û çend lotik avêtin derûdorê.
Sabrî ok, di hevpeyvîna xwe de mîrkutek li nav serê hikûmeta AKP û Erdogan xist û got: „Kî dibêje wê PKK çek û sîlehên xwe deyne? Kê gotibe gû dixwe. Hebûn û nebûna me çek û sîlehên me ne. Em hêzên xwe ji bakurê Kurdistanê jî dernaxin der û çekên xwe jî danaynin babam, heke hinek hebin ku ji bakurê Kurdistanê derkevin hebin, ew jî artêş û polîsên Tirko ne. Berî her tiştî bela artêş û polîsên dagîrker ji Kurdistanê bicehimin û derkevin, divê berî her tiştî em li ser vê nîqaşê bikin“ filan û fîstan.
Wek tê zanîn, ev çend sal in qaşo mizakereyek „ne mizakere“ tê meşandin. Rayedarên MÎT ê (dewletê) Girava îmralîyê kirine wek xan û hotêlê û her ku pirsgirêkek derdikeve, berê xwe didin cem başqanê me, xwe davêjin tor û bextê wî û bi navê mizakere û aştîyê destên xwe di ser serê wî re dibin. Ê tabî başqanê me jî diltenik û dilkeçik e, mirovperwer e, naxwaze Tirkan ji xwe bixeyidîne û Tirkîye tarûmar bibe, çi deynin ber wî, çi jê bixwazin nabêje na. Yek ji armanca herî mezin a vê quzilqurta mizakere û pêvajoya aştîyê jî helbet ev e ku PKK çekên xwe deyne û teslîm bibe. Niha halîhazir qasidê navbera başqan Ocalan, MÎT û Qendîlê Halklari Dewşîrme Partîsî (HDP) ye. Pozmezin û simbêlboqên HDP jî geh li defê dixin û geh li zirnê. Geh li ser navê Ocalan tiştekî dibêjin, geh li ser navê KCK û Qendîlê tiştekî din dibêjin. Wek mirîşka gêj li wan hatiye wesselam.
Axir, xalê me Sabrî Ok mîrkutek li nav serê pozmezin û simbêlboqên HDP jî xist û got: „Ew pozmezin û simbêlboqên HDP nikarin li ser navê me û partîya me biaxivin û biryaran bidin qardaşim. Biryara çekberdanê jî û şer jî di destê me de ye“ filan û bêvan.
Ez serê xwe, we û Sabrîkê xwe neêşînim, xalê me Sabrî Ok vê carê Kurdewarî axivî û behsa demokratîk û memokratîkan nekir. Bi taybet di derbarê artêş û polîsên dagîrker de û cehimandina wan de lotikek xweş avêt wesselam….
Qendîl
Welleh xweş xebere lê mın jê ne bahwere. Ev xeberê êvara sibeha dikevin qulê dîwara.
Ez gelek spasiya nivîskarê Lotik Xanê dikim, ku van tiştê xweş di nivîsin hem bi henekî û hem bi rastî, pir watedarin ev peyvê xweş û geş, ji were serkeftin.
tc cek berde ji kur distan derkeve ew dem welat azad xwese .qule diwaranim dilciwan
Mıj ji te fêm nekir te çek berda min, an paş û pêşkî berda xwe.
mi gulda te piri xwes te got