„Öz yönetîm“ bû „Koç yönetîm“

Cemîl Cewher Belê, Kurd dîsa mecbûrî koçberî û derbederîyê bûn. Kurdên ku di van çend salên dawîyê de hinekî rehet bûbûn, hinekî halxweş bûbûn û bêhna wan hatibû ber...

Cemîl Cewher

Belê, Kurd dîsa mecbûrî koçberî û derbederîyê bûn. Kurdên ku di van çend salên dawîyê de hinekî rehet bûbûn, hinekî halxweş bûbûn û bêhna wan hatibû ber wan, dîsa bûn bi qurbana daxwaz û armancên pûç û vala û şerpeze bûn.

Li Sûr a Amedê, Farqîn, Nisêbîn, Cizîr û Silopî bi mahne û hinceta „Öz yönetim“ an ji Kurdên xwelîser re bûn dojeh û cehneme. Lotikvan û zîtirkvanên ku rûyên xwe digirin û niyet û armancên xwe di pişta rûdankan de vedişêrin, tirr ji xelkê reben berdan, bûn sedemê koçberî û derbederîya wan û bajarên me hêdî hêdî vala û xalî dikin.

Birastî lo, ev quzilqurta „Öz yönetim“ an çiye?

Ma beledîye û şaredarî ne di bin destên we de ne qardaşim?

Ma hûn şaredarîyên xwe bi rê ve nabin babam?

Ma ev ne „Öz yönetim“ (xweserîya resen) be, naxwe çi quzê kerê ye?

Çima hûn li bajar û metropolên Tirkoleran xendekan nakolin û doza Öz û mûz û pirteqalan nakin qardaşim?

Ma hema ev pelûl û çorbe bi serê Kurdan dabûye?

Kesî dîtiye go meriv di şaredarî û desthilatdarîyên xwe de xendeqan bikole, bibe sebebê wêran û kambaxkirina bajarên xwe û Kurdan mecbûrî koçberîyê bike ji bo xwedê!

Ev çi aqil e, çi mejî ye, çi jehr û ziqûm e!

Werhasilî kelam, ji xwe Kurdî û Kurdayetî li van çend bajaran hinekî geş û zindî mabû. Xuyaye dîsa plan û projeyên hevbeş tên meşandin da ku Kurd dev ji bajarên xwe berdin, herin metropolên Tirkîyê, çend gotinên Kurdî mabûn wan jî ji bîr bikin û bibin Tirkmanc. Çawa ku berê Kurd mecbûrî koçberîyê kirin û zêdeyî 5 milyon Kurd li bajarên Tirkoleran kêm-zêde kirin Tirkmanc, îro jî heman lîztik, heman dek û dolab li serê Kurdan tên gerandin. Çi car û dema go hinekî ruh û giyanê Kurdewarî û netewperwerî di bedena Kurdan de geş dibe, hew we dît bi çîrok û çîvanokên xeyalî Kurdistan kirin qada şer û serî li Kurdan gerandin. Û ew şer bi destên wan kesan pêk tê go kes nizane kî ne, çi ne, ji ku hatine û çi ji vî milletê reben dixwazin.

Ez serê we neêşînim, hinek Kurdên me mixabin ji xwe re zelqan, lê ji xelkê re hêkên qazê dikin. Ev 40 sal in şerekî bi şêwr û mişêwr tê meşandin. Serê dêr bi gû ye û binê dêr bi gû ye wesselam

Nisêbîn

nus

nus2

Beş
Cemîl CewherKadînQuncik

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

Zêdetir

  • Hesab

    Xêrxwaza Dêrikî Dema em ji serboriyan sûde wernegrin têkçûyîn û windakirin ne dereng e, lewra heke em li xwe werneqilin û neponijin ji vebal, bedel û gunehan berpirsiyar em...
  • Li welatê ku aqil ji seriyan koç kiriye

    Li welatê ku aqil ji seriyan koç kiriye, sohbet û şevbuhêrk hemû li ser siyasetê û dîn e. Wê şevê em li malekê mêvan bûn. Ji xêndî me du...
  • Zikê têr hay ji zikê birçî tuneye.!

    Xêrxwaza Dêrikî Ezê qala salên borîn, zilm û zorê, bedel û têkçûyînê nekim, êdî qala peyvên qelew û kilasîk jî nekim. Çimkî ji dîrokê û virde bi hezaran şîret...
  • MAL NÎNE KERXANE YE!

    Cejna Remezanê derbas bû, çavên zarokan li şekir û peran bû. Dest maç kirin şekir û pere berhev kirin. Ev jî rengînîya cejnê ye. Kevneşopîya bav û kalane ku...
%d Bloggern gefällt das: