Nov 30, 2020

Kevîn Kurdson

Dibêjin li gor lêpirsîn û lêkolînekê, hejmara kesên ateîst (xwedanenas) her ku diçe zêdetir dibe. Li gor rojnameya Ingilîz Daîly Maîl ragihandiye, halîhazir li seranserê cîhanê hejmara ateîstan gihaye 1,5 milyarî. Ango, li dinyayê milyar û nîvek ateîst hene û ev hejmar her ku diçe zêdetir dibe.

Li cîhanê endam û bawermendên ol û dînên herî xilbe û zêde mesîhî û îslam (misilmanî) e. Piştî mesîhî û îslamê jî ateîzm, anfgo ateîst tên. Yanî, xwedanenas, kesên ku ji hebûna xwedê bawer nakin.

Li gor ku fitne û fesadên rojnameya Daîly Maîl dibêjin, îslam pêşde naçe lê paşde diçe. Bi taybet piştî derketina zîtirkvanên DAÎŞê û rêxistinên radîkal, piştî çalakîyên terorîstî, qetlîam serjêkirina insanan, îslam di çavê xelkê de reş bûye û gava qala îslamê tê kirin, xelk zikêşî û virikî dibe.

Li gor agahdarîya rojnameya Daîly Maîl ê, heke bi vî awayî biçe, wê hejmara ateîstan roj bi roj zêdetir bibe û roj bê ewê ji mesîhî û misilmanan zêdetir bibin. Yanî, di pêşerojê de belkî jî ateîzm bibe ol û dînê yekemîn û mezintirîn.

Niha tê meraq kirin bê ka wê xwedayê erd û ezmanan, melkemot û melayîketên ezmanan di vê derbarê de çi bêjin û çi nebêjin.

Ê de ya bi xêr lo…

Wek hûn zanin, kî xurt be xelk hevalê wî/wê ye.

Ê me jî kîjan ol û dîn xurt be, emê jî şorba xwe di beroşa wan de bikelînin û hûn sax..

Ma dinya ne li ser berjewendîyê ava bûye babam!


Windows 10 Kaufen Windows 10 Pro Office 2019 Kaufen Office 365 Lizenz Windows 10 Home Lizenz Office 2019 Home Business Kaufen Windows 10 Lisans Office 2019 Mac Satın Al
%d Bloggern gefällt das: