Mamê me bûye dergevanê zindanê

Cemîl Cewher Kurdistan parçekirî ye, di nav hirç û hovên Tirk, ereb û Ecem de hatiye parçekirin, Kurd hatine destgîr kirin û di zindanên van her çar dewletên hov...
Nawshirwan Mustafa, an Iraqi Kurdish Politician and the head of Kurdish "Change" opposition movement, shows his ink-stained finger after voting in Sulaimaniya, 260 km (160 miles) northeast of Baghdad March 7, 2010. Explosions killed 24 people as Iraqis voted on Sunday in an election that Sunni Islamist militants have vowed to disrupt, in one of many challenges to efforts to stabilise Iraq before U.S. troops leave. REUTERS/Jamal Penjweny (IRAQ - Tags: POLITICS ELECTIONS) - RTR2BBPU

Cemîl Cewher

Kurdistan parçekirî ye, di nav hirç û hovên Tirk, ereb û Ecem de hatiye parçekirin, Kurd hatine destgîr kirin û di zindanên van her çar dewletên hov de zindankirî û hêsîr in. PDK û Barzanî hewl dide ku vî millet û welatê zindankirî ji zindana dijminan rizgar û azad bike da ku Kurd zincîrên koletîyê bişkînin û di welatek azad û serbixwe de bijîn.
cemil-cewher
Kurd û Kurdistan bi dijminan dorpêçkirî ne, ango ji xwe di zindanên dijminan de dijîn. Di vê zindanê de PDK jî heye, YNK jî heye, Goran û partîyên din jî hene. Lê xuyaye zindan û zindankirina îro li xweşîya hinek alîyan tê û naxwazin Kurd û Kurdistan ji van zindanên dijmin azad bibin, dixwazin Kurd hertim di zindanên dijminan de bijîn û Kurdistan jî di zindanên bindestîyê de her û her binale.
Axir…
Mesela me li ser helwest û gotinên mamê me Newşîrwan Mistefa bû.

Li ser bextê fitne û fesadên nava tevgera Goran û YNK be, dibêjin serok û girgirekê Tevgera Goran mamê me Newşîrwan Mistefa, li Hewlêrê bi hejmarek kadroyên YNK re civiyaye û dest bi lotik û zîtirkên Soranî kiriye.

Mamê me Newşîrwan Mistefa, di civîna lotikvanî û zîtirkvanî de teqil li xwe xistine û gotiye: “Kakacan, em dixwazin dewletekê ava bikin ku ji bo welatîyan bibe sedema xweşîyê. Em naxwazin dewletekê damezrînin ku ji bo welatîyan bibe zîndan” û girêz ji devê wî herikîye.

Yanî, tu dibê qey Kurdistan rizgar bûye, sîstema welêt ne li gor dilê wî ye û mêro dixwaze sîstemek nû ava bike ku Kurdistanê li Kurdan nebe zindan.
Law mamo, canekem, ma Kurdistan ji zindana dijniman derketiye ku tu doza sîstem û mîsteman dikî baba?

Ka berê xwelîya heft gundan li serê xwe bikin, welatê xwe ji nîr û zindanên dijminan azad û serbixwe bikin bavo, piştî serxwebûnê guhertina sîstemê jî rehet e, ya quzê kerê jî.

Ma heta welatek azad û serbixwe nebe, meriv behsa tirşika sîsteman dike mamo!
Werhasilî kelam, mamê me Newşîrwan Mistefa dîsa li def û zirna Îranê xist û wek dergevanekî zindanê wirde çû û virde hat.
Xuyaye mamê me Newşîrwan dîsa têr goştê elokên Îranê xwariye û hatiye Hewlêrê behsa zindan û dergevanîyê dike.
Ê de noşîcan be mamooooooooo!
Hewlêr

Categories
Cemîl CewherKadînQuncik
No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • Aş diçe wan daye dû çeqçeqê

    Mirad Bîlgîç ‘Ziman mala hebûnê ye’ Martîn Heîdegger ‘Ziman ne gelek tişt e; ew her tişt e.’ Adar Jiyan Ji bo zimên heta niha gelek tiştên giranbuha hatine gotin...
  • PKK û bangewazîya yekîtîyê

    Metîn Pîranî – Sekreterê Gişti yê Hereketa Azadî PKK û rêxistinên pê re ji mêj ve ye ku behsa Yekîtiya Neteweyî, diyalog û biratiya di nav Kurdan de dike....
  • Di siyaseta Kurdan de giringiya ehlaq!

    Dara Bîlek Gelek caran di siyasetê de mijara ehlaq jî tê gotûbêj kirin, ehlaq di lepta insanan û jiyana wan ya rojane de derdikevê pêş û gelek caran insan...
  • Talîş kî ne ?

    Ugur Dursun Adsız Îro Kurdên Talîşî bi gelemperî di derdora Çîyayên Talîş, di navbera devletên Azerbaycan û Îranê de nîştecih bûne. Li taya Azerbaycanê de ji bajarên Başûrê Azerbaycanê...