Xwedîyê fisê bi xwe dihisê

Gotinek heye dibêjin, “Xwedîyê fisê bi xwe dihisê”. Kesên ku sûcdar û gunehkar bin, bi sûc û gunehên xwe zanin. Îcar ev jî mesela me û rêxistin, partî û...

Gotinek heye dibêjin, “Xwedîyê fisê bi xwe dihisê”.

Kesên ku sûcdar û gunehkar bin, bi sûc û gunehên xwe zanin.

Îcar ev jî mesela me û rêxistin, partî û dezgehên girêdayî PKK û hevalleran e.

pirkemal

DTK, KJA, DBP û HDP bi paraztin û xwedîlêderketina xweserî û şerê xendekan xort û keçên Kurd anîn galeyanê û ew di xendek û koncalan de dan kujtin. Bûn sebebê wêrankirin û herifandina bajar û navçeyên wek Sûr, Cizîr, Şirnex, Nisêbîn, Xezek, Silopî û deverên din. Gava bajarên me dihatin wêrankirin û zarokên me di xendekan de dikatin qetilkirin, serok, hevserok û wekîlên  DTK, KJA, DBP û HDP kerr û lal bûn û deng ji wan dernediket. Lê piştî ku hasil gîha Mûsilê û kevir li ser kevir nema, mêrikan niha derdikevin pêşberî xelkê û lêborîna xwe dixwazin. Helbet lêborîn erdem e, ne kêmasî ye. Lê lêborîna derengmayî êdî fêdeyekê ji Kurdan re nayne. Nayne ji ber di rojên teng de hûn xwedî li wan derneketin, di rojên fireh de jî herkes kurê bavê xwe ye.

Hevaller û yoldaşlerên me yên DTK, KJA, DBP û HDP bi şerê xendekan lotik û zîtirkên mezin ji Kurdan xwarin. Kurdan ew baş nas kirin û poşman bûn ku deng û rayên xwe dane van xendekçî û çeqilmastan. Rûmeta van partî û dezgehan di nav piranîya Kurdên bakur de kêm bû û êdî malbatên şehîdên xendekan ew ji başarên xwe jî diqewitandin. Îcar ji bo ku carek din xwe di nav Kurdan de rûspî bikin wê çi bikin? Helbet wê lêborînê ji Kurdên xwelîser bixwazin û li lotik û zîtirkên xwe poşman bibin.

Axir…

Wek me got, lêborîn baş e, erdem e, mezinatî ye. Lê bi şertê ku carek din ew kes nebin qesasê serê Kurdan û carek din berê wan nedin armanc û daxwazên virt û vala û xeyalî.

Hevaller û yoldaşlarên me yên DTK, KJA, DBP û HDP, li Amedê civînek qerase li dar xistin û hevallerên me kumên xwe danîn ser masê. Di encamnameya civînê de hevallerên me “ji ber kêmasîyên xwe û ji bo ku xwedî li tekoşîn û berxwedana şehîdên xendekan derneketine, lêborîn ji gelê Kurdistanê xwestin” û soz dan ku ewê li mîrasa berxwedanê û îradeya wan xwedî derkevin. Hevaller û yoldaşlarên me xwe wek “berpirsên” wan kêmasîyan dîtin û bi şeş telaqên jinberdanî soz dan ku ewê carek din wê tirşikê nexwin.

Ê de li ser xêrê be cîgerlerim..

Piştî kujtina 7-8 hezar xort û keçên Kurd, wêrankirin û herifandina bajarên Kurdistanê, koçberî, şerpezetî û perîşanîya Kurdên xwelîser, lêborîn kêm be jî baş e.  Nayê xwarin, lê bi zorê be jî tê daqurtandin.

Ê ji xwe karê me Kurdên xwelîser herdem wilo û wisa ye.

Piştî têkçûn û malwêranîyê hişê me tê serê me û em lêborînê ji hev dixwazin..

Heta serê me li kevir nekeve, em ji xew û xewnên şîrîn şiyar nabin wesselam..

Amed

Categories
NivîskarPîrkemalQuncik
No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • Radyoya Êrîvanê sêwî ma

    rojnamevan û rewşenbîrê Kurdên Ermenistanê Keremê Seyad di 82 salîya xwe de ji nav me koç kir û em xemgîn kirin. Keremê Seyad, di 1960î de li Radyoya Êrîvanê...
  • Lotika Papa xweş lotik bû

    Serokê Vatîkanê û Serokê Rûhanî ê Mesîhîyên Cîhanê Papa Franciskus di 07.03.2021ê de pêşî serdana Iraqê û piştre jî serdana Kurdistanê kir. Papa li Bexdayê bi şûr û kêran...
  • Başûrî, mîrasê serokê nemir Mistefa Barzanî dixwin…

    Rojhat Amedî Sed heyf û mixabin em îro dibînin ku jimareyek berçav ji desthilatdarên başûrê Kurdistanê tenê bi gotin li ser rêbaza Barzaniyê nemir mane. Tenê li ser mîrasa...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Sekn û helwesta serek û rêberan

    Di şerê cîhanê yê duyem de nazîyên Hîtler lawê Stalîn ê leşker hêsîr digirin. Rûs jî generalekî almanan hêsîr digirin. Ji bo pevguhertina hêsîran danûsitendin dest pê dikin. Lê...
  • Serok Papa

    Serok Papa siwar hat û peya çû, lê dixan û hicac li pey xwe hişt û çû. Carinan hesabê malê û sûkê li hevdu dernakeve, mixabin û bêhişî û...
  • Rê û rêwîtî û serpêhatîyên şifêran

    Ev du roj in ez rêwî me; ez derketime rêwîtîya peyvan. Heta ev rêwîtî bi dawî bê, ez ê tenê li ser vê rêwîtîyê û serpêhatîyên şifêrên heval binivîsînim....
  • Sernivîs û binnivîs, Arifo hema binivîs!

    Li kêlek sobeya daran, li ser paldankê rûniştime. Min pişta xwe daye balîfê, lingên xwe avêtine ser hevdû, qurtek ji çaya li ser sêpêya li ber xwe diqurtînim. Berê...