Xwelî li serê “Rojava” jî kirin

Pêşî navê Kurdistanê rakirin û gotin “Rojava”. Me got xem nake canim, belkî hevalleran xeletî kirine, yan jî taktîk e taktîk! Lê me dît ew taktîk bû stratejîk û...

Pêşî navê Kurdistanê rakirin û gotin “Rojava”. Me got xem nake canim, belkî hevalleran xeletî kirine, yan jî taktîk e taktîk!

Lê me dît ew taktîk bû stratejîk û xwelîya geft gundan li serê temamê Kurdan û bi taybet jî li serê Kurdên rojava hat kirin.

pirkemal

Ji xwe di serî de xuya bû. Her tişt di gotina “Rojava” de eşkere û aşîyan bû. Gava te navê Kurdistanê rakir û te navê Rojava li Kurdistanê kir, me zanîbû go fêlbazî û dek û dolabên qirêj di vê lotika “Rojava” de hene. Armanc û mebest xuya bû. Bi gotina “Rojava” înkarkirina Kurdistanê û înkarkirina netew-dewleta Kurd dihat kirin. Û îro derket holê ku hevallerên me “bi gur re dikujin û bi xwedî re şînê digrin” mixabin. Ji alîyekî li ser navê Kurd û Kurdistanê xwedêgiravî şer dikin û çavê Kurdan diseyînin, ji alîyê din şer û dijminatîya Kurdistanek serbixwe dikin û naxwazin sînorên dewletên dagîrker bên parçekirin. Nimûneya herî berbiçav û vekirî di lotikên PYD de kifş û eşkere bûn.

Axir…

Mesela me li ser lotika PKK, PYD û “Sîstema Federalîya Demokratîk a Rojava-Bakurê Sûriyê” bû.

Ne li ser bextê me be, li ser bextê fitne û fesadên bajarê Qamişlo, Kobanê, Hesekê û Rimêlîyê be, dibêjin “Sîstema Federalîya Demokratîk a Rojava-Bakurê Sûriyê” hat guhertin û peyva “Rojava” jê hat derxistin.

Dibêjin 165 lotikvan û zîtirkvanên girgire li Rimêlan civînek li dar xistine û bi def û zirne civîyane. Di civîna Meclîsa Damezrêner a Sîstema Federalîya Demokratîk a Rojava-Bakurê Sûriyê de, navê Sîstema Federalîya Demokratîk a Rojava-Bakurê Sûriyê bi piranîya dengan hatiye guhertin û bûye “Sîstema Federalîya Demokratîk a Bakurê Sûriyê”.

Wek tê zanîn, berî niha PKK rexne li wê yekê girtibû û daxwaz kiribû ku navê “Rojava” ji navê sîstema federalîyê bê derxistin. Û lotikvanên  “Sîstema Federalîya Demokratîk a Rojava-Bakurê Sûriyê” jî yeka PKK nekir dudo û di kefenê 101 bavê pepûka “Rojava” de mîzt û xwelî li serê Kurdên Rojava kir.

Erêê erê!

Hevalan şoreş li dar xist!

Şoreşa Sûriyê, şoreşa “Sîstema Federalîya Demokratîk a Bakurê Sûriyê”!

Kilîlîlîlîlîî, şabaş ji vê şoreşa ekolojîk û demokratîk re!

Îcar we fêhm kir bê rejîma Sûriyê çima “Bakurê Sûriyê” emanetî hevalan kiribû?

Aha ji bo vê rojê bû ha.

Û lotika herî balkêş, vekirî, kifş û aşîyan çi ye?

Di civînê de, Endama komîteya TEV-DEMê Foze Yûsif ragihandiye û gotiye: ” Ew kesên ku dixwazin yekîtîya ax û gelê Sûriyê biparêzin, divê dest ji hêvîyên xwe yên netewî berdin”.

Aha ayeta rast û bê lam û cîm ev ayet e.

Aha ji roja roj de armanc û mebest ev bû û îro jî ev e allahwekîl.

Divê Kurd xwelîya Beşar Esed li serê xwe û 101 bavê xwe bikin, dev ji hêvîyên xwe yên netewî berdin û bibin dergevan û nahtorîyên yekîtîya ax û gelê Sûriyê.

Şabaş!

Şabaş ji me Kurdên xwelîser re şabaş!

Bijî Sîstema Federalîya Demokratîk a Bakurê Sûriyê!

Bijî serketina Erebên qûnreş!

Mêrdîn

Categories
NivîskarPîrkemal
No Comment

Leave a Reply

*

*

RELATED BY

  • Kız Kereçi Xatun Olmaz!

    Mêro boxboxakî mêran bû, çû dil ket qîza qereçî, wek yê ku heft salan dil ket çavên beqê! Di bîr û baweriya wî de, wê keçika qereçî jê re...
  • Amerîka bi mastê Kurdekî têr dixwe

    Hesen Almas Nebêjin mast bi kêrî tiştekî nayê û meriv bi firotina mast dewlemend nabe. Kurdê Ezircanê û paşayê eşîreta mastê “Chobanî” ê AmerîkayêHamdî Ulukaya, bi firotina mast bûye...
  • Ekolojîk hevaller

    Hevallerên me ji bo go serê Kurdan bişon û wan ji bîr û hizrên netewayetî dûr bixin, ji 101 bîran avê dikêşin, wan bi fikir û îdeolojîyên berî hezar...
  • Kê YNK parçe kir?

    Mihemed Soran Wek hûn zanin kezebno, piştî nexweşketina Mam Celal YNK bû wek tirşika tevlihev û pirsgirêkên wê xelas nebûn. Beşek ji YNK tirşika Kurdistanê û beşê din jî...
Lotikxane