Belê, Kongreya Netewî ya Kurdistan (KNK ku piranîya kesên tê de PKK î û alîgirên wê ne) li Brukselê komcivîna xwe ya salane li dar xist. 184 delege û mêvan beşdarî civînê bûn û dê weledê xwe avêt. Wey komcivîna KNK li ser xêrê be û xwedê bikim endamên KNK li bihuşta rengîn bibin xwedîyê 70 horî û nûrîyan.
Axir, mesela me li ser lotikên kanala televizyona RÛDAW ê bû.
Wek hûn zanin, PYD û YPG li Rovavayê Kurdistanê çendîn caran rojnamevanên RÛDAW ê girtin û ew dan ber lotik û zîtirkan. Rojnamevanî li wan herimandin û ew dersînor kirin, berê wan dan başûrê Kurdistanê. PKK û PYD çendîn caran RÛDAW wek dijminê PYD û PKK nîşan da, di çapemenîya xwe de êrîşî wê kir û tir jê berda. Lê xuyaye her ku PYD û PKK êrîşî RÛDAW dikin û wê di refê dijmin de dibînin, li xweşîya RÛDAW ê tê û RÛDAW zêdetir pesnê PKK û PYD dide, zêdetir propaganda wan dike. Ecêb e!
Ji seeta pêkanîna komcivîna KNK û heta vê kêlîkê, RÛDAW di xeber û nûçeyên xwe de ewqasî propaganda KNK kir ku nayê gotin. Tu dibê qey yên ku tir ji rojnamevanên wan berdidan û ew di refê dijmin de didîtin ne PKK û PYD bûn. Yanî, RÛDAW ji berdevkên KNK zêdetir berdevkîya KNK kir û ket bin xizmeta PKK û PYD û pêve girêdayî dost û destebrakên PKK.
Wey aferîn lo!
PKK û PYD digotin „RÛDAW“ berdevkîya PDK û Barzanî dike“ filan û fîstan.
Na bi sê telaqên jinberdanê, bi qasî ku RÛDAW di xeber û nûçeyên xwe de berdevkî û propaganda PKK û PYD dike, kesek nake.
Na na, xuyaye siyaset bê lotik nabe.
Heta meriv lotikan li RÛDAW yan PDK û Barzanîyan nede, qîmetê meriv nizanin û nabin dostê meriv.
Ê de li ser xêrê be qurban!
Berdevkî, dostanî û zewaca we pîroz û bimbarek be canekem..
Bruksel
KNK temsîlakê dike, KNKdi avakirina xweda dijî PDK bi taybetî û dijî partîyên din ên Kurdistan bi giştî hat damezrandin. Bila kes xwe nexapîne KNK=PKK û ewqas.
Birêz rêvebirên LOTIKXANÊ, hûn dizanin ku ez hertim LOTIKXANEYA RASTGO dixwînim û temaşe dikim, ji berku rastgoye le, çima şiroveyên min nedîyarin sipas.