Dez 1, 2020

Rêwîyê Kal

Mudawîmên qehwexana yên ku lîstika okêy, nezere, dame, kişik, tawle, domîno û hwd dilîzin, heke bi serkevin dibên “ ji şansê min e” heke windakin dibên “ filankes bêvankes hat şansê min têkçû “.

Gelek cara naxwazin ku kesek li kêleka wan, li tenişta wan rûnê, lîstoka wan temaşe bike. Mîrata lîstokê jî bê kêlekbir/belaşçî kêf nade.

Pisporên Lotikxanê li hev şêwirîn û rê û rêzan ji kêlekbiran re dîtin. Ji vir şûn ve divê herkes bizanibe ku mafê kêlekbiran heye û divê lîstikvan ji wan re hurmetkar bin.

1- Kêlekbir kevirên hîmê qehwexanê ne, jêveneger in.

2- Kêlekbir kare gorî dilê xwe ji xwarin û vexwarina bê ser masê feyde bibîne.

3- Kêlekbir kare bê destûr, dilê wî kengî xwest ji xwe re vexwarinê bêje.

4- Kêlekbir kare ji cixarên ser masê bikişîne, hewce nake destûrê bixwaze.

5- Kêlekbir kare derbarê lîstikê de şîrove bike, bi fesadîya xwe lîstikvanan bere hev bide. Kes nikare jê bixeyîde yan jî dilê wî bişkîne.

6- Kêlekbir, ku hewce bike kare li şûna lîstikvanekî rûnê. Wek hemû lîstikvanan xwedî maf e.

7- Kêlekbir ji bo vê xizmetê ne mecbûre ku pere bide. Bi dawîbûna lîstikê wek ku qet tiştek nebibe bide rê here.

8- Ev rêzik wek zagonê ye, ne diguhere ne jî daxwaza guhertinê tê teklîf kirin.

Êdî ji kêlekbiran gilî û gazincan nekin, me mafê wan hilda bin temînatê. Heçê van rêzikan xira bike wê ji hemû lotikvanan re qehweyek bi şîr û şekir bêje.


Windows 10 Kaufen Windows 10 Pro Office 2019 Kaufen Office 365 Lizenz Windows 10 Home Lizenz Office 2019 Home Business Kaufen Windows 10 Lisans Office 2019 Mac Satın Al
%d Bloggern gefällt das: