Bijî tirşika xalê me Salih!

Berî niha berpirsê çapemenîya YPG Polat Can lotikek xweş avêtibû û piştgirî dabû brayên xwe yên pêşmergeyên ku şerê zinêkarên DAÎŞê dikin. Û niha jî Hevserokê PYD xalê me...

Berî niha berpirsê çapemenîya YPG Polat Can lotikek xweş avêtibû û piştgirî dabû brayên xwe yên pêşmergeyên ku şerê zinêkarên DAÎŞê dikin. Û niha jî Hevserokê PYD xalê me Salih Mislim piştgirî da pêşmerge û got: “Ez bi serê Mûsa, Îsa û Mihemed kim, pêşmerge brayên me û zarokên me ne” û dilê xwe rehet kir.
cemil-cewher
Xalê me Salih Mislim, vê carê di derbarê operasyona Mûsilê de piştgirîyek qerase da pêşmerge û ha ha pesnê pêşmerge da.
Salihê me di dewama lotikên xwe de germ bû û got: “Bi allahwekîl, hêzên pêşmerge niha ji bo gelê Kurd li Mûsilê şer dikin. Ez ji vir slavên xwe ji wan re dişînim û çavên wan radimîsim. Ew birayên me û zarokên me ne. Em tim li kêleka wan in û dikarin piştgiriîya wan bikin” û kêfa me Kurdan anî.

Kilê çavên Kurdên binxetê Salih Mislim, di daxuyanîya xwe de anî zimên û germa germa got: “Binerin cîgerim, divê hemû hêzên Kurd bibin yek. Hêzên pêşmerge çawa ku derbasî Kobanê bûn û alîkarîya hêzên YPG’ê kirin, YPG jî li Şengal, Mûsil, Kerkûk û li temamê Kurdistanê kare piştevanî û alîkarîya wan bike. Daxwaza me jî ev e ku hemû hêzên Kurd li hemberî zinêkarên DAIŞ’ê bibin yek. Em hertim dibêjin bila hemû hêzên Kurd di bin fermandarîyekê de bibin yek û dest bi lotikan bikin. Divê baregehek hêzên Kurd jî hebe. Helbet ev jî girêdayî civîna Kongreya Neteweyî ye” û simbêlê xwe ba da.

Salihê me di daxîya lotikên xwe de da zanîn ku “Li Mûsilê ne YPG û ne jî hêzeke pê ve girêdayî tuneye. Zinêkarên DAIŞ’ê dijminê Kurdan e, li ku derê be YPG amadeye şerê wan bike û tirê ji wan berde. Heke ji bo şerê Mûsilê daxwazê ji me bikin em ê tev lê bibin û di kefenê 101 bavê DAÎŞê nin” û xwêdana xwe pakij kir.

Ez serê we neêşînim gelî xwendevanan, aha tirşika ku ji me Kurdên xwelîser re lazim û pêwîst e, ev tirşik e. Yanî, tirşika hevkarî, tifaq, yekîtî û jihevhezkirinê ye. Heta em Kurd bi vê tirşika tifaq û yekîtîyê zikê xwe têr nekin, emê her her virikî û zikêşî bibin û hûn sax..

Ê de naxwe, bijî tirşika xalê me Salih Mislim!

Hewlêr

Categories
Cemîl CewherKadînNivîskar
No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • Radyoya Êrîvanê sêwî ma

    rojnamevan û rewşenbîrê Kurdên Ermenistanê Keremê Seyad di 82 salîya xwe de ji nav me koç kir û em xemgîn kirin. Keremê Seyad, di 1960î de li Radyoya Êrîvanê...
  • Lotika Papa xweş lotik bû

    Serokê Vatîkanê û Serokê Rûhanî ê Mesîhîyên Cîhanê Papa Franciskus di 07.03.2021ê de pêşî serdana Iraqê û piştre jî serdana Kurdistanê kir. Papa li Bexdayê bi şûr û kêran...
  • Başûrî, mîrasê serokê nemir Mistefa Barzanî dixwin…

    Rojhat Amedî Sed heyf û mixabin em îro dibînin ku jimareyek berçav ji desthilatdarên başûrê Kurdistanê tenê bi gotin li ser rêbaza Barzaniyê nemir mane. Tenê li ser mîrasa...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Sekn û helwesta serek û rêberan

    Di şerê cîhanê yê duyem de nazîyên Hîtler lawê Stalîn ê leşker hêsîr digirin. Rûs jî generalekî almanan hêsîr digirin. Ji bo pevguhertina hêsîran danûsitendin dest pê dikin. Lê...
  • Serok Papa

    Serok Papa siwar hat û peya çû, lê dixan û hicac li pey xwe hişt û çû. Carinan hesabê malê û sûkê li hevdu dernakeve, mixabin û bêhişî û...
  • Rê û rêwîtî û serpêhatîyên şifêran

    Ev du roj in ez rêwî me; ez derketime rêwîtîya peyvan. Heta ev rêwîtî bi dawî bê, ez ê tenê li ser vê rêwîtîyê û serpêhatîyên şifêrên heval binivîsînim....
  • Sernivîs û binnivîs, Arifo hema binivîs!

    Li kêlek sobeya daran, li ser paldankê rûniştime. Min pişta xwe daye balîfê, lingên xwe avêtine ser hevdû, qurtek ji çaya li ser sêpêya li ber xwe diqurtînim. Berê...