Duran abêmiz got: „Yooxxxx, wallah billah olmaz!“

Serokê Tirkmanc û hinek Kurmancan abêmiz Duran Kalkan, ji kanala NewsChannel re da lotikan û serê hefsarê hespê xwe berda. Duran abêmiz, di derbarê referandûma serxwebûnê de da lotikan,...

Serokê Tirkmanc û hinek Kurmancan abêmiz Duran Kalkan, ji kanala NewsChannel re da lotikan û serê hefsarê hespê xwe berda.

Duran abêmiz, di derbarê referandûma serxwebûnê de da lotikan, çav lê sor bûn, xwêdan da, çavê xwe girt û devê xwe vekir.

Duran abê ji lotikvanên News Channel re got: „Binerin oxlim, ez bi serê we û televizyona we bikim, referandûma Başûrê Kurdistanê ne ji bona serxwebûnê ye. Bi allahwekîl armanca referandûmê ji bo pûçkirina xebata PKK ye qardaşim, ma emê rabin derewan bikin“ û pê de çûye.

Kalkan abêmiz, tê de germ bûye û dîsa gotiye: „Ez ji we dipirsim cîgerim, kê rê daye wan îlkel mîllîyetçîyan ku referandûmê bikin arqadaş? Ma destûr ji civaka Kurd xwestine ûlan?“ û simbêl badaye.

Piştre li xwe mikur hatiye û gotiye: „ Bi dîn û îman mafê azadî û serxwebûna gelê Kurd nayê nîqaşkirin, bi referandûmê jî ev biryar nayê standin. Ev gel bêguman wê serbixwe û azad bibe” filan û fîstan û kiras û xeftan.

Ê başe Duran abêmiz, gava we xendek û mendeq li bajarên Kurdistanê kolan û we bi hezaran xort û keçên Kurd belasebeb dan kujtin, we destûr ji kê xwest arqadaş? We hesabê kîjan civaka Kurd bi pîvazekê kir û we destûr jê xwest?

We destûr ji min stend?

Na.

We destûr ji xaltîka min Eyşokê stend?

Na.

We destûr ji xalê Misto stend?

Na.

We destûr ji Bavê Yetar stend?

Dîsa na.

Ê naxwe çi?

Madem tu dibêjî „mafê azadî û serxwebûna gelê Kurd nayê nîqaşkirin, ev gel bêguman wê serbixwe û azad bibe“, çima hûn dijminatîya mafê azadî û serxwebûn gelê Kurd dikin?

Madem serxwebûn bi referandûmê nayê stendin, wê bi çi bê stendin qardaş?

Bi xendek û koncalan, yan bi çîrokên şikeftên Qendîlê?

Ev 40 sal in hûn di şikeftên Qendîlê de heman çîrok û çîvanokan ji me re dibêjin û we gundekî bakurê Kurdistanê jî azad nekiriye, qe nebe bihêlin bela ew „îlkel mîllîyetçî“ Kurdler koxikek starê ji Kurdan re ava bikin babam, ma qebhet e?

Yox duran abê yox, wallah û bîllah ev nebû.

Dev ji wan îlkel mîllîyetçî Kurdleran û serxwebûna wan berdin cîgerim, hûn di xewn û xeyalên ekolojîk û demokratîk de avjenîya xwe bikin û serê xwe neêşînin wesselam…

Qosera Mêrdînê

Categories
ArşîvKadînNivîskarSofî Xelef
  • Radyoya Êrîvanê sêwî ma

    rojnamevan û rewşenbîrê Kurdên Ermenistanê Keremê Seyad di 82 salîya xwe de ji nav me koç kir û em xemgîn kirin. Keremê Seyad, di 1960î de li Radyoya Êrîvanê...
  • Lotika Papa xweş lotik bû

    Serokê Vatîkanê û Serokê Rûhanî ê Mesîhîyên Cîhanê Papa Franciskus di 07.03.2021ê de pêşî serdana Iraqê û piştre jî serdana Kurdistanê kir. Papa li Bexdayê bi şûr û kêran...
  • Başûrî, mîrasê serokê nemir Mistefa Barzanî dixwin…

    Rojhat Amedî Sed heyf û mixabin em îro dibînin ku jimareyek berçav ji desthilatdarên başûrê Kurdistanê tenê bi gotin li ser rêbaza Barzaniyê nemir mane. Tenê li ser mîrasa...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Sekn û helwesta serek û rêberan

    Di şerê cîhanê yê duyem de nazîyên Hîtler lawê Stalîn ê leşker hêsîr digirin. Rûs jî generalekî almanan hêsîr digirin. Ji bo pevguhertina hêsîran danûsitendin dest pê dikin. Lê...
  • Serok Papa

    Serok Papa siwar hat û peya çû, lê dixan û hicac li pey xwe hişt û çû. Carinan hesabê malê û sûkê li hevdu dernakeve, mixabin û bêhişî û...
  • Rê û rêwîtî û serpêhatîyên şifêran

    Ev du roj in ez rêwî me; ez derketime rêwîtîya peyvan. Heta ev rêwîtî bi dawî bê, ez ê tenê li ser vê rêwîtîyê û serpêhatîyên şifêrên heval binivîsînim....
  • Sernivîs û binnivîs, Arifo hema binivîs!

    Li kêlek sobeya daran, li ser paldankê rûniştime. Min pişta xwe daye balîfê, lingên xwe avêtine ser hevdû, qurtek ji çaya li ser sêpêya li ber xwe diqurtînim. Berê...