Dez 6, 2020

Li ser bext û wîjdanê Avestakurd û başçawîşê wê Dilbixwîn Dara be, dibêjin xwedêgiravî nivîskarê rindik û mindik kekê me Jan Dost, dest bi lotikek din kiriye û ev du sal in bi nivîsandina romanek nuh daketiye. Li gora sîxurên me yên di mala Jan Dost de dibêjin, Jan Dost du sal in ji ber komputerê ranebûye û li ser komputerê qerimî ye, nikare here mitbexê bixwe û vexwe û av û xwarina wî jê re tê ser masa komputerê.

Sîxurên me telaqên mêr û jinberdanê davêjin û dibêjin ku „tam du sal in Jan Dost di nav Kurdan de li qehremanekî digerîya lê xwedênehiştek di nav Kurdan de nedît ku wî/wê bike qehremanê/qehramana romana xwe“. Ji ber vê jî, rebeno mecbûr maye ku du xortên Alman bike qehremanên romana xwe û dest bi lotikan kiriye.

Siphan ji navê xwedê re…!

Law Jano, Dosto, xweşiko û rindiko..

Ma law Alman û qehremanî?

Kuro malnexerab, hema te telefonek ji eşîreta Lotikxanê re vekira, te emaîlek bişanda, meyê ne qehremanek lê 101 qehremanên qerase û simbêlboq ji te re bişanda bavê mino, wey! Lotikxane hêlîn, kulîn û şikefta qehremana ye ellawekîl. Hem jî qehremanên belaş û himalên Kurmancî haaaaaa!

Werhasilî kelam, Jan Dost ê me wê bi du qehremanên Alman (heke çend şûşe bîra jî di destê wan de be hê çêtire) çîroka bextewarî, rastî û felsefeyê bi me bide nasandin.

Heta payîzê li benda romana rastî û bextewarîyê bin kaka. Heke herdu qehremanên Alman berî payîzê nemirin ji xwe emê romanê bixwînin. Na heke mirin, jixwe wê Jan Dostê me du salên din jî li qehremanan bigere û hûn sax…

De romana te pîroz û bimbarek be canim cîgerim…


Windows 10 Kaufen Windows 10 Pro Office 2019 Kaufen Office 365 Lizenz Windows 10 Home Lizenz Office 2019 Home Business Kaufen Windows 10 Lisans Office 2019 Mac Satın Al
%d Bloggern gefällt das: