$wpsc_version = 169; Lingê Evdilla li wan nehat – lotikxane
Okt 20, 2011

    Lingê Evdilla li wan nehat

    • by Lotikxane
    • 8 Years ago
    • Kadîn
    • 412 Views
    • Comments Off

    Berî bi çend rojan Serokkomarê Tirkiyê Evdilla Gul çû ser sînorê bakur û başûrê Kurdistanê û eskerên xwe teftîş kir, li halê wan pirsî, çay û qehwe bi wan re vexwar û xwedêgiravî moral da wan. Mêro tew cil û bergên “qomando” jî li xwe kir û bi serekerkanê artêşa xwe re dên û bala xwe da şûn û warê terorîstan (bi gotina wan). Lê xuyaye lingê Evdilla beg li eskerên wî nehat û tu xêr ji hatina wî nedîtin.

    Erê lo, piştî vegera Evdilla Gul bi rojek du rojan, PKK li herêma Colemêrgê kemîn danî ber eskerên qûnbicilik û di êrîşê de 26 esker kujtin û gellek jî brîndar kirin. Bi vê lotika bê îman, hem Evdilla Gul, hem Kasimpaşalî Receb û hem jî çeqel û keftarên Tirk lotikek mezin xwarin û xeyalşikestî bûn, mîrkutek kesanedî li nav serê wan ket û tirr di “Qehreman Mehmetçîk” de nema, ziravqetandî bûn.

    Îcar çapemenî û medya wan, televizyon û radyoyên wan bi şev û roj stranên “Mehmetçîk gîttî sawaşa, tirr jê hat berdan li newal û kaşa” dubare dikin û hêsran dibarînin.

    Ez serê we neêşînim, baş yan xirab, rast yan xelet, PKK bersivek qerase da Evdilla Gul û serdana wî ya li ser sînor lê herimandin, xwêsîya wî di qirika wî de hiştin wesselam…

    Amed

    • facebook
    • googleplus
    • twitter
    • linkedin
    • linkedin
    Previous «
    Next »
    %d Bloggern gefällt das: