P. Kemal
Emê binerin bê kî berx e, kî beran e
Devliken Kelogirî
Xwedê Ji Xwedê Ne Razî Be!
B. Ronahî
HISÊ ŞEŞAN
L. Şêxo
Xort û qirawat
A. Dûran
XEMXWARIN
B. Qendilê
Sîmbola berxwedanê
R. Kal
Ku nebîne guneh nayê nivîsandin
S. Îloz
One Minute Wan!
N. Çelîk
Çend gotin li ser gotina “Rêbaza Barzanî rêbaza me ye”
ARŞÎV | TÊKILÎ

Heta bi dêlikên me jî bûne mirovperwer


Hisênê Sêwasî

De ji xwe re li vê dêlika Kurd binerin û bifikirin. Li bajarê Sêwasê, dêlikek Kurd dev ji kudik û çêlîkên xwe berdaye û du berxikên mîhên malîyek Tirk dimijîne. Berxikên ku dêya wan terka wan kiriye û belkî jî ji dolek heram in, birçî bûne û ketine bin dêlika Kurd, çiçikên wê dimijin û têr şîr dixwin. Û dêlika me jî weke ku tiştek nebûbe, herdu berxikan dimijîne, wek çêlîkên xwe li wan dinere.

Aha rewşa me Kurdan ev e ha gelî xwendevanan.

Hûn dev ji serok û siyasetmedarên me berdin, nexweşîya bratî û mirovperwerîyê bi heywanên me jî ketiye û xwelîya heft gundan bi serê me de barîyaye. Serok û siyasetmedarên ku her tiştên pîroz kirin bi qurbana bratîya Kurd û Tirkan û tirr ji Kurd û Kurdayetîyê berdan, mîkrop û vîrûsên xwe berdan heywanên me jî û va dêlika me jî li şûna çêlîkên xwe berxikên xelkê dimijîne, wan ji mirinê xilas dike.

Werhasilî kelam, baş li helwesta vê dêlikê binerin û rewşa me Kurdan bînin ber çavên xwe. Heke fîlmek ji fîlmên Hollywoodê dirêjtir û watedartir nehat ber çavên we, bizanin ku ez bi tiştekî nizanim û xelas….

Sêwas

Comments are closed.