Hayhoooo, bi navê “Kurdistan” li dijî Kurdistanê derdikevin qirikê!

Ez bawerin li tu dera cîhanê, li tu welatî, li nav tu qebîle û eşîrên Afrîkayê jî nehatiye dîtin ku rêxistin an partîyek li ser navê welatekî derkeve rê,...

Ez bawerin li tu dera cîhanê, li tu welatî, li nav tu qebîle û eşîrên Afrîkayê jî nehatiye dîtin ku rêxistin an partîyek li ser navê welatekî derkeve rê, bi hezaran xort û keçên xwe di wê rêyê de bide kujtin û li dijî serxwebûna welatê xwe derkeve. Ev pelûl û şorbe tenê bi serê Kurdan de rijiyaye. Kesên ku bi xwe Kurd in lê mejî û ruhê wan Tirk in, kesên ku bi xwe Kurd in lê bi Tirkî siyasetê dikin tenê ji nav Kurdan derdikevin.

De ji xwe re li vê sosretê, li vê pelûlê û li vê xwelîserîyê binerin û bifikirin.

Endama Kordînasyona Partîya Jin a Kurdistan PJAK ê xaltîka me Emîne Ercîyes, ji ajansa ANF re lotikên kesanedî avêtiye û bê lam û cîm, yekser li dijî serxwebûna Kurdistanê derdikeve û Kurdistanê di berjewendîya Kurdan û gelên herêmê de nabîne. Emîne xanim xal û erka yekem û herî girîng jiholêrakirina tecrîda li ser serokê xwe Ocalan dibîne û PJAK ê di vê rêyê de seferber dike. Helbet em ne li dijî rakirina tecrîda li ser Ocalan in, em jî dibêjin bela rojek berî rojekê tecrîda li ser Ocalan rabe. Lê gava tu rabe li dijî serxwebûna Kurdistanê derkevî û Kurdên xwelîser layiqî welatekî serbixwe nebînî, aha wê gavê mesele dibe quzilqurt, dibe çeqilmast û ji xeta xwe derdikeve.

Xaltîka me Emîne Ercîyes, di derbarê “Netew-Dewlet” ê de dibêje “Di netew dewletbûnê de yek welatî, yek alayî, yek zimanî heye. Ev jî ne li gora xwezayîya civakê ye. Bi taybet di pirçandîyek wek Rojhilata Navîn de wê ev bibe sedema kûrkirina şer. Netew dewletbûna ku çêbibe jî wê tu fêda xwe nede gelê Kurd. Hêzên derveyî wê bi vê netew dewletbûnê dixwazin dengê gelê Kurd bifetisînin. Netew dewlet berjewendîyên gelan bidest naxe” filan û fîstan û jehr û ziqûm.

De were û kirasê xwe neçirîne, nedirîne û serê xwe li hêt û dîwaran nexe. 

PJAK a ku navê “Kurdistan” pê ve hatiye zeliqandin, li dijî Kurdistanek serbixwe derdikeve li vê ecêbê! Law ma qebîleyên Afrîkayê jî vê pelûlê bi serê xwe û gelê xwe dadikin ji bo xwedê! Madem hûn li dijî serxwebûna Kurdistanê û “netew-dewletbûnê” ne, çima we navê “Kurdistan” bi xwe ve zeliqandiye keçko? Çima we navê xwe nekiriye Partîya Jin a Konfederasyona Rojhilata Navîn hi? Qe nebe navê Kurdistanê ji ser xwe rakin ku xelk û alem zanibe hûn ne Kurdistanî lê rizgarîxwazên dinyayê, hîvê, mars û titanîkê ne bavo, waweylê! Ma xwedê ji me û 101 bavê me stendiye ku em keç û xortên xwe di ber qûnreşên Rojhilata Navîn de bidin kujtin xaltîka Emîne?

Axir, xuyaye xaltîka me Emîne Ercîyes jî wek gellek hevalên me yên “çepên klasîk” kare ji herkesî re dewletbûn û serxwebûnê rewa bibîne, lê gava behsa serxwebûna Kurdan tê kirin, zimanê wê tê girêdan, xwêsîya wê di gewrîya wê de asê dibe.

Çima keçko, ma Kurd ji Eyşika Ereb in bavo?

Amed

Categories
Kadîn
  • Ruhê koletîyê Kurdan diduruvîne

    Sîrac Oguz Neyarên Kurd û Kurdistanê, dîsa dest bi fen û fêlbazîyên dîrokî dikin. Dixwezin di nav milletê Kurd da, dubendî û îxanetên mezin pêk bînin. Gava ku milletê...
  • Bê çete jiyan nabe!

    Z.Brîndar Kurd milletekî ecêb in. Serok û rêvebirên Kurdan hîn ecêbtir in. Tew siyasetmedarên wan ji tevan ecêbtir in. Li şûna ku ji bo yekîtî û xurtkirina tevgera rizgarîxwaza...
  • Aş diçe wan daye dû çeqçeqê

    Mirad Bîlgîç ‘Ziman mala hebûnê ye’ Martîn Heîdegger ‘Ziman ne gelek tişt e; ew her tişt e.’ Adar Jiyan Ji bo zimên heta niha gelek tiştên giranbuha hatine gotin...
  • PKK û bangewazîya yekîtîyê

    Metîn Pîranî – Sekreterê Gişti yê Hereketa Azadî PKK û rêxistinên pê re ji mêj ve ye ku behsa Yekîtiya Neteweyî, diyalog û biratiya di nav Kurdan de dike....
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Xwezî ez pêlekê birêz Hemîd Derbendî bama!

    M. Bengo Ger mirov rewşa tevgera siyasî li rojavayî Kurdistanê bişopîne û bihûrbînî binirxîne , bêguman wê matmayî bimîne. Ji sala 1957 an de ta bi roja îro ev...
  • Amerîkayê xêrek din bi Kurdan kir

    Lotikvanên Amerîkayê, alîkarî li ser alîkarîyê dide Kurdan û wan di warê çek û trimbêlên leşgerî de dixemilîne. Amerîkayê vê carê xêrek din bi xwe kir û bi buhayê...
  • Dîko Amerîka tevlihev kir

    Kevîn Kurdson Serokê Amerîka û dinyayê Donald Trump, yanî Dîko, berî ku dev ji meqamê xwe berde çend lotik û zîtirkên dînomîno avêtin û Amerîka li hember dinyayê rezîl...