DIZÎ HUNEREK E, HER KES NIKARE BİKE

Emrê Mihemedo bi dizîyê derbas bû, heta ku bû hecî. Mihemedo  dema çû hecê hat dev ji dizîyê berda û îcar behsa dizîyên xwe kir. Mihemedo ewqas diz bû,...

Emrê Mihemedo bi dizîyê derbas bû, heta ku bû hecî. Mihemedo  dema çû hecê hat dev ji dizîyê berda û îcar behsa dizîyên xwe kir.

Mihemedo ewqas diz bû, qereçîyan ji xelkê didizî ewî ji wan didizî; de îcar hûn bihesibînin çito diz bû.

Yekî got: “ Kuro weleh Fata qereçî bi dizîyê gelek zêr berhev kiriye û di navrana derpîyê xwe de vedişêre .“

Mihemedo fikirî ka çawa Fatê bişêlîne. Çû qamîşek jê kir, piçek zeyt (rûn) kire qulika qamîş û danî ber rêya mûrîyan. Mûrî ji bo xwarina zeytê rahiştinê  ketin qulika qamîş.

Mihemedo  herdu alîyê qamîş xetimand û berê xwe da konê qereçîyan. Konê ku Fatê tê de star dibe raçav kir ku bû şev Fatê raza, Mihemedo kêleka kon vekir, serê qamîş kir bin delinga derpîyê Fatê. Di alîyê din re pif qula qamîş kir, hemû mûrî bi pifê re ketin nava derpîyê Fatê. Ku mûrî lebat kirin xurîn bi nav şeqê Fatê ket.

Fatê bi şewata xurînê, derpîyê xwe derxist û avêt derva ku mûrî jê derkevin. Mihemedo derpîyê Fatê hilanî û zêrên wê dizî werhasil.

Rojekê gundîyê Mihemedo Evdo got: “ Tu destûr bidî ez jî dixwazim bi te re werim dizîyê, debara zarokan zehmete.

Mihemedo got: “ Erê were, emê îşev biçin hela çi dibe qismet.

Tarî ket erdê Miemedo û Evdo ji gund bi rê ketin. Li ser rêya wan çemek hebû, şalê xwe derxistin, ji çem derbas bûn. Mihemedo zivirî ser Evdo got: “ De ka hela sond bixwe, bêje bi quran ez ji vî çemî derbasî vî alî nebûme.

Evdo got: “ Wey ezê çawa sond bixwim, ma em ji çem derbas bûn malava .

Mihemedo jê re got: “ De bicehime here lo, bi te dizî nabe. Dizî hunerek e, her kes nikare bibe diz. “ Werhasilî kelam.

Bêbextî jî hunereke, her kesek nikare him pêşeroja Kurdan bifroşe û him jî bibêje “ Ez azadîya Kurdan bi dest dixim  “ !…

Categories
KadînQuncikRêwîyê Kal
  • Bê çete jiyan nabe!

    Z.Brîndar Kurd milletekî ecêb in. Serok û rêvebirên Kurdan hîn ecêbtir in. Tew siyasetmedarên wan ji tevan ecêbtir in. Li şûna ku ji bo yekîtî û xurtkirina tevgera rizgarîxwaza...
  • Aş diçe wan daye dû çeqçeqê

    Mirad Bîlgîç ‘Ziman mala hebûnê ye’ Martîn Heîdegger ‘Ziman ne gelek tişt e; ew her tişt e.’ Adar Jiyan Ji bo zimên heta niha gelek tiştên giranbuha hatine gotin...
  • PKK û bangewazîya yekîtîyê

    Metîn Pîranî – Sekreterê Gişti yê Hereketa Azadî PKK û rêxistinên pê re ji mêj ve ye ku behsa Yekîtiya Neteweyî, diyalog û biratiya di nav Kurdan de dike....
  • Di siyaseta Kurdan de giringiya ehlaq!

    Dara Bîlek Gelek caran di siyasetê de mijara ehlaq jî tê gotûbêj kirin, ehlaq di lepta insanan û jiyana wan ya rojane de derdikevê pêş û gelek caran insan...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Xwezî ez pêlekê birêz Hemîd Derbendî bama!

    M. Bengo Ger mirov rewşa tevgera siyasî li rojavayî Kurdistanê bişopîne û bihûrbînî binirxîne , bêguman wê matmayî bimîne. Ji sala 1957 an de ta bi roja îro ev...
  • Amerîkayê xêrek din bi Kurdan kir

    Lotikvanên Amerîkayê, alîkarî li ser alîkarîyê dide Kurdan û wan di warê çek û trimbêlên leşgerî de dixemilîne. Amerîkayê vê carê xêrek din bi xwe kir û bi buhayê...
  • Dîko Amerîka tevlihev kir

    Kevîn Kurdson Serokê Amerîka û dinyayê Donald Trump, yanî Dîko, berî ku dev ji meqamê xwe berde çend lotik û zîtirkên dînomîno avêtin û Amerîka li hember dinyayê rezîl...