Mrz 4, 2013

    Ne çerm û hestî, ne jî qelewbûna zêde

    • by Lotikxane
    • 7 Years ago
    • Kadîn
    • 559 Views
    • 0

    Qelewbûn bûye nexweşîyek hemdemî. Herweha jarbûn û zeîfbûn jî bi serê xwe pirsgirêkek e. Hinek jin û mêr ji jarbûn û zeîfbûnê hez dikin û hinek mêr û jin jî ji qelewbûn û bermîlbûnê hez dikin. Lê tê gotin ku hem jinên jar û hem jî jinên qelew zûtir raserî nexweşîyan tên, zûtir nexweş dikevin.

    Niha hûnê bêjin: „Êêêêêê, ne jar û ne bermîlî, naxwe jinên çawa oxlim?“ û lotikan li me xin.

    Na, em nabêjin bê jin bimînin û di qurmik de jêkin baba, lê ji xwe re jinên „masîyane“ ango „jinên ku wek masîyan nîvqelew û hinekî têr goşt“ bînin.

    De binerin bê Perwerdekarê Beşê Kardîyolojî yê Fakulteya Tip a Zanîngeha Komarê (CU) Prof. Dr. Mehmet Bîrhan Yildiz çi dibêje.

    Cîgerim Prof. Dr. Mehmet Bîrhan Yildiz dibêje: „Binerin oxlim, hişê xwe bidin serê xwe û baş bifikirin. Hem jarbûn û hem jî qelewbûna zêde xeter e. Bi taybet piştî zewacê jin zêdetir kîloyan distînin û qelew dibin. Ev jî dibe sedemê gellek nexweşîyên cûr be cûr“ û dide lotikan.

    Cîgerim Prof. Dr. Mehmet Bîrhan Yildiz, bi berdewamî dide lotikan û dibêje: „Her ku diçe Tip bi pêş dikeve. Hem li gora lêkolînek li Amerîkayê û hem jî li gora lêkolînên me, jinên ku hinekî bi goşt û nîvqelew bin, wek jinên jar û qelew zû bi zû raserî nexweşîya dil û kanserê (pençeşêrê) nayên. Lê jinên pir jar û pir qelew zêdetir rastî nexweşîyên dil, şekir û kanserê tên. Îcar hûn bi ya min dikin yan nakin ji vî ve“ û diçirîne lê nadirû.

    Werhasilî kelam, profesor û doktorên eşîreta Lotikxanê jî piştrast dikin ku jinên „masîyane û nîvqelew“ hem bedewtir, xweşiktir û germik û nermiktir in û hem jî tamdartir û lezîztir in.

    Îcar hûn û jinên xwe li hev babam..

    • facebook
    • googleplus
    • twitter
    • linkedin
    • linkedin
    Previous «
    Next »

    Schreibe einen Kommentar

    Deine E-Mail-Adresse wird nicht veröffentlicht.

    Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

    %d Bloggern gefällt das: