Heyfa Partîya Kerên Kurdistanê!

Belê, Partîya Kerên Kurdistanê (PKK) di sala 1950 de hat avakirin. Umer Kilol jî ev partî, ango Partîya Kerên Kurdistanê (PKK) di sala 1979an de bi fermî li başûrê...

Belê, Partîya Kerên Kurdistanê (PKK) di sala 1950 de hat avakirin. Umer Kilol jî ev partî, ango Partîya Kerên Kurdistanê (PKK) di sala 1979an de bi fermî li başûrê Kurdistanê li Silêmanîyê ava kir û bû serokê wê. Ango, bû Serokê Kerên Kurdistanê. (Em behsa PKK a bakurê Kurdistanê nakin, haşa. Mebesta me PKK a Umer Kilol e).

ker basur Kopie

Kêfa me pir hatibû. Me digot „Êdî kerên Kurdistanê ne bêxwedî ne û şikir ji xwedê re va partîya wan jî ava bû“. Lê xuyaye qirdê kerên Kurdistanê kor e, bextê wan reş e.

Serokê Partîya Kerên Kurdistanê Umer Kilol bi daxuyanîyek qerase partîya xwe PKK feşiland (fesix kir) û lotikek kerîkî lêxist. Ev partîya qerase, ev partîya kevnare ku temenê wê 35 sal in, bi lotikekê mir û binax bû. Û bi vî awayî kerên Kurdistanê sêwî û bêxwedî man, bê partî û bê rêxistin man.

Serokê Kerên Kurdistanê Umer Kilol sedema feşilandina PKK wilo anî zimên:

„Canekem, rêhevalên ku bi min re kerîtî dikirin û mafê keran diparaztin, ne wek xwe derketin. Derket holê ku ew ker kurê keran tenê ji bo henekpêkirinê hevaltîyê bi min re dikin. Êdî taqat û mecala min nema ku ez bi kerên wek wan re bixebitim û wextê xwe badilweha derbas bikim“ filan û fîstan.

Serok Umer Kilol bi dewamî got: „Her çiqasî „Partîya Keran“ ne li gor tore û adetên Kurdî be jî, lê me dixwest em peyamekê bidin civaka Kurd. Lê mixabin civaka me ji partîya me kertir derket û kesî me fêm nekir. Li şûna ku mafê kerên xwe biparêzin û piştgirîya partîya me bikin, ez û malbata min ji xwe re kirin hedef û pêlîstok, em kirin benîştê devê xwe“ û pê de çû.

Belê, Serok Umer Kilol, li gor rê û rêbaza „Kername“yê (destûr û bernameya PKK) Partîya Kerên Kurdistanê (PKK) feşiland û dev ji Serokatîya Kerên Kurdistanê berda.

Bi vî awayî, kerên Kurdistanê sêwî û bêxwedî man, bê partî û bê rêxistin man.

Kerên Kurdistanê niha li benda serokekî ne ku xwe bide ber barê wan û wan di bin sîwana partîyekê de birêxistin bike.

Kesên ku xêrxwazên kerên Kurdistanê bin û rêhevaltîya wan cefakaran bikin, bila nesekinin û xwe bigihînin hawara wan. Çawa be bername û destûra Partîya Keran (Kername) li ber destê Umer Kilol e. Hewce nake hûn carek din serê xwe bêşînin û „Kernameyek“ din amade bikin…

Bi rêz û silavên kerîkî….

Silêmanî

Categories
Kadîn
  • Bê çete jiyan nabe!

    Z.Brîndar Kurd milletekî ecêb in. Serok û rêvebirên Kurdan hîn ecêbtir in. Tew siyasetmedarên wan ji tevan ecêbtir in. Li şûna ku ji bo yekîtî û xurtkirina tevgera rizgarîxwaza...
  • Aş diçe wan daye dû çeqçeqê

    Mirad Bîlgîç ‘Ziman mala hebûnê ye’ Martîn Heîdegger ‘Ziman ne gelek tişt e; ew her tişt e.’ Adar Jiyan Ji bo zimên heta niha gelek tiştên giranbuha hatine gotin...
  • PKK û bangewazîya yekîtîyê

    Metîn Pîranî – Sekreterê Gişti yê Hereketa Azadî PKK û rêxistinên pê re ji mêj ve ye ku behsa Yekîtiya Neteweyî, diyalog û biratiya di nav Kurdan de dike....
  • Di siyaseta Kurdan de giringiya ehlaq!

    Dara Bîlek Gelek caran di siyasetê de mijara ehlaq jî tê gotûbêj kirin, ehlaq di lepta insanan û jiyana wan ya rojane de derdikevê pêş û gelek caran insan...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Xwezî ez pêlekê birêz Hemîd Derbendî bama!

    M. Bengo Ger mirov rewşa tevgera siyasî li rojavayî Kurdistanê bişopîne û bihûrbînî binirxîne , bêguman wê matmayî bimîne. Ji sala 1957 an de ta bi roja îro ev...
  • Amerîkayê xêrek din bi Kurdan kir

    Lotikvanên Amerîkayê, alîkarî li ser alîkarîyê dide Kurdan û wan di warê çek û trimbêlên leşgerî de dixemilîne. Amerîkayê vê carê xêrek din bi xwe kir û bi buhayê...
  • Dîko Amerîka tevlihev kir

    Kevîn Kurdson Serokê Amerîka û dinyayê Donald Trump, yanî Dîko, berî ku dev ji meqamê xwe berde çend lotik û zîtirkên dînomîno avêtin û Amerîka li hember dinyayê rezîl...