„Çi dikî bike nekeve şerê kolanan!“

Kadirê PKK û berpirsiyarê berê yê Ewrûpayê Akîf Hesen di derbarê rewşa Kobanê de lotikek balkêş avêt.

Ê de ka bixwînin bê ji lotika Akîfê me çi dikeve serê we.

————

Çi dikî bike lê nekeve şerê kolanan. Em di pêvajoya tekoşînê de ne, ne di pêvejoya derekê bigirin û bernedin. Em ji bo mirovan, ji bo gel xwe didin kuştin û her fedekariyê dikin, lê nabe em ji bo bajarekî biçin mirinê. Em dikarin bajêr berdin û sibê, ger sibê nebe, dusibê lê vegerin. Ev ne eyb û ne şerm e. Eyb û şerma mezin ew e gava mirov di rewşên zor de nekaribe çareyan ji jiyana şervanan re bibîne.

akif hesenDîsa dibejim: Em li dû gotinên ji daholan mezintir nekevin, di bin navê qehremaniyê de neçin întîharê. Gelek zarokên siyasetê hene govendên „qehremaniyê“ digirin. Divê mirov guh nede wan. Ya herî girîng ew e mirov jiyana bi sedan xort û keçên li Kobanê, ku di bin çekan de ne, biparêze, wan neşîne mirinê.

Emê çima bikevin şerê kolanan? Ji bo em Kobanê biparêzin? Ji xwe ger em çûn wê kêliyê Kobanê namîne, Kobanê dibe xwelî, wêrane dibe. Yanî emê hem canan bidin hem malan? Me 300 gund berdane ne eyb e lê em bajêr berdin eyb e? Ev çi mentiq e? Ev tenê mentiqê Ronahî tv ye. Heger mirov vê yekê ji vê kêliyê û şûn ve bike, bi yek gotinê, întîhar e. Mafê kesekî tuneye zarokên me, xwîşk û birên me bi propogandayên vala bişîne întîharê. Bi propogandayên weke „welat, berxwedan, namûs, şeref“ nabe mirov ciwanên xwe li ser mirinê de bişîne. Ger fersenda derketinê hîn heye, divê were girtin. Ma te berê çiyayek an jî geliyek, an jî gundek û bajarek li Bakûrê Kurdistanê girtiye û tê de asê mayî? Nexêr! Kengê dijmin bi tank û topan bi ser te de hatiye tu derketî. Kengî hêza dijmin ji ya te mezintir bûye, tu şûn ve kişiyayî. Çima ev yek îro nabe? Çima ev ji bo Kobanê nabe?

Avestakurd

About The Author

4 thoughts on “„Çi dikî bike nekeve şerê kolanan!“

  1. Li gor dirokê; eskerê osmanli nemabun.Li Canakale hatubun kurbankirin. Hukumeta Enver Pasa Itiha-i Teraki ji nav xelkên ku eskerya xwe kiriye û bi emer û xwedyê zar û jêc.Ji van re di goten REDIF. Milyonek Redif dan hev. Li Iskenderunê li gemya swar kirin.Xwarna wana zeytun,nan û pivaz bu.Cihêwan teng av hindik bu.Heya gu gihan YEMENÊ gelek mirin û nexwes ketin. Nizanibun cima hatubun YEMENÊ û bi kêre ser bikin.Ên ku mirin,ên ku revyan,kederê sedhezar sag man.Enver Pasa vana disa anin Iskenderunê û ji Iskenderunê birin SARIKAMISÊ.Li Sarikamisê 95000 (not û pên hezar) REDIF ji serma kefilin û kir bun.Ev ketliama xedar ne xema Enver Pasa,M.Kemal Pasa û ên din. PKK 50.000 Kurd katl kirin.Ne Kobani, ne Rosave,ne Basur,ne bakur,KURDISTANÊ hemi karin kurban bikin û bêji ;SEHID NAMIRIN. Mirid û pepukên reben ji wê bêjin; BÊ SEROK JIYAN NABE. Ica herkes ji haê xwe memnune.Ki di dike bixwe dike. NE XEMA KIRÊ EBDILAYE.

  2. Xwelî seré tebe u sîretê tebe.! Pesmergajî sengal berdan u revîya u bê hezaren kurd bê destê cetave bardabun.

  3. Pir normal e ku mirov ji jiyana bi dehan sal di nav berf, baran, qul û qewêrên şikeftan, di nav mar û dûpişkan de, aciz bibe û ji nav hevalên bi rûmet bireve. Ew jî normal e ku mirov bîr û baweriyên xwe biguhere, lê ya ne li rê ew e ku mirov di ekranên kanalin arzan weke Zagros û hinin din derkeve û wê rêbaza ku Akif efendî – hema hema – nîvê temenê xwe di nav de derbas kir, reş bike, yan nesîhetan li rêveberiya wê bike.
    Lawo ! ma heger YPĞ û YPJ ev nimûneya bê mînak ji bîrdozî, sebir û qehremaniyê pêşanî cîhanê nekirana, dê raperîna kurdan li hemu qadan, pişgîriya herêma Kurdistan, Ewrupa û DYA pêk bihata?
    Em ji qurnasên weke te, Hisên Çelebî, Jan Kurd û Jan Dost, têr bûne.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.