Xaltîka Fatê û Mulayîmê gêj

Xaltîka Fatê, min bi salan emrê xwe da siyaset û xebata Kurdewariyê. Ez zêde serê te naêşînim, min tu gû bi ser nexist, bi serde min xerakir lê ava...

Xaltîka Fatê, min bi salan emrê xwe da siyaset û xebata Kurdewariyê. Ez zêde serê te naêşînim, min tu gû bi ser nexist, bi serde min xerakir lê ava nekir.

Niha ez bala xwe didimê gellek siyasetmedar û xwedênegiravî serokên me ji bo gotinekê çepikan ji Erdoxan re lêdidin û lê xwedî derdikevin.

Hinek dibêjin: “Ev cara yekem e serokwezîrek behsa Kurdan dike”.

Hinek dibêjin: “Ez ji Erdoxan hez dikim, lê ji Xelo hez nakim”.

Hinek dibêjin:” temam, hindik ma Kurdistan rizgar bibe”.

Û hinek jî dibêjin: ”Erdoxan dixwaze mesela Kurdî çareser bibe, lê serkerên esker nahêlin”.

Û wekî din.

Îcar bi xwedê ez nema zanim çi bêjim, ne rast e û ne derew e, em gêjomêjo bûne ha. De ka stuyê xwe bişkîne û tiştekî bêje peppûkê!

Mulayîmê Gêjomêjo / Atîna

——-

Hayhoo, lao ev çi nav e malneket?

xaltika-fate Îcar Mulayim haa!

Te ev navê nermik û germik ji ku aniye oxlim?

Ê lao te bi salan emrê xwe da siyaset û Kurdewariyê û tu bixwe dibêjî “min tu gû bi ser nexist”-

îcar ez rebena xwedê ezê çi quzilqurtê bi ser xim hêê!

Te çi jê ye kî ji kê hez dike û kî ji kê hez nake bavê min!

Ma tu bekçiyê xelkê yî!

Hinek ji Erdoxan hez dikin, hinek ji Xelo hez dikin, hinek ji tirşikê hez dikin û hinek jî ji şorba nîskê hez dikin, ma ji te re çi!

Ê min meselen ez ji şorba şîr hez dikim.

Ê lao Mulayimo, niha hefsarê Erdoxan jî di destê generalan de ye û ê hinekên din jî, tu kîjanî tevbidî wê bêhn jê bê. Yanî, serê dêr jî bi gû ye û binê dêr jî.

îcar serê xwe neêşîne û dev jê berde, kî ji kîjan bêhnê hez dike bila wê bêhnê di xwe bide û bêhn jê bifûre qurban.

Ma ne belaş e?

Erdoxan soz daye ku mesela Kurdan “bi yek millet, yek dewlet û yek al” çareser bike.

Ez dibêjim hezjêkirin têr nake, bila herin ber destê wî tobe bikin û bêjin “çîzzzzz!”

Beş
Xaltîka Fatê

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

Zêdetir

  • Xaltîka Fatê û paspasçî

    Hevala Fatê.. Ez saxî û selametîya te dixwazim û herdu lêvên ta maç dikim.  Wextekî ez serokekî meşhûr bûm, bi qedr û qîmet, bi rêz û rûmet bûm. Destekî...
  • Xaltîka Fatê û porê başûrîyan

    Xanima delal Fatê, ez nivîsên te dişopînim û şîretên te wek morîka xewê dixim guhê xwe. Min dixwest ez tiştekî bi te bişêwirim. Ez bala xwe didimê çend kadir...
  • Xalê me Ehmed jî çû seferê

    Silav Xaltîka Fatê… Vê heyamê dewleta Tirko û padîşahê wê bejindirêjo dest bi girtina wekîlên HDP kiriye. Hevserok û binserokên HDP davê zindanê û berê wan dide seferê. Lê...
  • Kurdê Quzê Kerê!

    Xaltîka Fatê, ez heyranê lotik û zîtirkên te me. Bawer bike, heke ez ne zewicî bûma, minê bi çeplê te bigirta, te birevanda û bavêta totelîka serê Çiyayê Qendîlê....
%d Bloggern gefällt das: