Girêka Carablusê

Selahedîn Çelîk Komkujiya Dîlokê, êrîşeke nîjadperest bû. Lê bi planê ji bo sibê bûbû. Ewilî hin pirs: Çima êrîşen berê yên DAIŞê, nayên eşkerekirin? Em bêjin bi rastî artêşa...

Selahedîn Çelîk

Komkujiya Dîlokê, êrîşeke nîjadperest bû. Lê bi planê ji bo sibê bûbû.

Ewilî hin pirs:

Çima êrîşen berê yên DAIŞê, nayên eşkerekirin?

Em bêjin bi rastî artêşa tirk, li DAIŞê dide. Çima DAIŞ, bersivê nade?

Çapemenî ji zû ve dinivîst, ku Dîlok bûye navendeke DAIŞê. Ka ne tedbîr?

Ên dîroka rêxistinên tundrew ên rastgir (kontrgerîla) ên Tirkiyê kêm zêde nas dikin, baş zanin ku benê hemûyan di destê dewletê de ye. DAIŞ jî wisa ye.

Şaredara Dîlokê Fatma Şahîna AKPyî, generalê li Kîlîsê fermandarê “Hêzên Taybet” Semîh Terzî sûcdar kir: “Wî, DAIŞ har kiribû!” Lê ew general, di “derbeyê” de hatibû kuştin û êdî “xayînê mirî!” ye.

Ma ew kes, ne fermandarê dewletê bû û wî, ne fermanên dewletê dianîn cih?

Şaredar, di aborî û dewlemendiya Dîlokê de qet qala para DAIŞê nake!

Ma ev gotinên serokwezîrê Tirkiyê Binalî Yildirim her tiştî nabêjin? “Li bakurê Sûriyê, Kurd dixwazin pêşve herin. Em jî dixwazin rê li ber wan bigrin.”

Carablus, komkujerê Dîlokê da dest

DAIŞê hêzên xwe li Carablusê kom kirin. Ma ev ne ketina xefikê bû?

Wê ew derbasî Tirkiyê bûbûna? Lê ji ber fişara nawdewletî, divê bihatana girtin.

Bi rêya Azezê dikarin derbasî nav El Nusra û yên din bibin.

Lê ma çima cilên Artêşa Azad, li wan nekin? Çima wan zexmtir nekin? Bi vê rê, ma korîdora

Carablusê li ber Kurdan nayê girtin?

Vêga ev fîlm dileyize.

Dibe Tirkiye hewl bide, hin Kurdan jî tevlî lîstikê bike. Hêvîdar im, Kurd nekevin xefikê.

Bûyer girtina Ocalan tenê bîra min. Tirkên nîjadperest, dîsa li himberî Kurdan ‘serketina xwe’ pîroz dikin!

Dewleta tirk, xwe zû bi zû naxe xeterê. Diyar e, Rûsya “okey” dayê.

Ma çi ji DYAyê hatiye? Tevî hemû ezameta wê jî, mirov dibêje qey yê herî ‘reben’, ew e.

PYD ji nû ve?

Ne hewqas, lê gavên nû yên dewleta tirk, wê bandor li rewşê û li hemû têkiliyên YPGê bike û qebûxwestinên nû derkevin pêşiyê.

Hûne bêjin jixwe ji PYD/YPG, ji bilî DYAyê, bi hemûyan re di nav pêvçûnan de ye. Li Hasekeyê qala çekdarên Hizbullaha Libnanê jî dikirin.

Di van encaman de para xeletiyên PYDê hebe jî, di rewşa nû de mijar qet ev e. Bûyer, giraniya doza Kurdistanê nîşan dide. Hûnê bêjin; “wekî ji ber Rojavaya biçûk van tiştan dikin, ka wê ji ber Başûr, Rojhilat û Bakur çi bikin?”

Şensekî girîng: Her kes baş zane û bi awayekî ditbarî dişopîne, ka Tirkiye çi dike. Ma divê wijdana mirovahiyê, serdestê namerdiyê nebe?

Ev jî heye: Li Tirkiyê toreke berfiref a DAIŞ/Cîhadiyan heye. Erê ew, li himberî gelê kurd kontgerîlaya nû ye. Lê ew ji bo Tirkiye û mirovahiyê jî, gefeke rojane ye. Û her kes zane ku destê dewleta tirk, di wê gefê de heye.

Wêneyê polîtîk ê guherî

Em ne tenê li Rojavayê, li tevahiyê Kurdistanê bi rewşeke nû re rûbirû ne. Têkiliya Enqere û Tehranê, bandor li hemû beşên Kurdistanê dike.

Lihevhatina Moskova û Enqerê, lihevhatina Enqere û Şamê yê.

Pêşî şerê li Qamişloyê û îro li Hasekeyê, talûkeya milîsen Sûriyê nîşan dide. Ew dikarin bibin sedemê şerê navxweyî.

Li bajarên Rojavayê kuştinxwazî, dibin bûyerên rojane. Kujer, ên Enqerê an ên Şamê ne, an bi hevparî dikin.

Enqere, ji ber pirsa kurd dide dûv bloka Moskova, Tehran û Şamê. Enqere, da ku di pirsa Rojavayê de DYAyê bînê ya xwe, wê têkiliyê weke gefê bi kar tîne.

Guherîn bi lez dibin. Bi kitekitî xwendina boçûnê zehmet e. Lê ev zelal e: Kurd di navenda guherînê de ne.

Divê em jî biguherin

Şarezayên bûyerê têde hemraman in: “Tirsa kurd, di rojeva herêmê de daye pêş ya Cîhadiyan/DAIŞê.”

Enqere, Tehran, Bexda û Şam, bi wê tirsê di hewldana dubarekirina hevkariya berê de ne.

AKP, CHP û MHPya ji hev re her tişt digotin, ji bo berjewendiyên dewleta xwe, bûne xwişk û bira.

Ka li têkiliya Şam û Enqerê binerîn. Ma Enqerê, her tiştên Sûriyê nedizî? Vêga li hev tên.

Lê em?

Zimanê me, peyamê me, têkiliyên me, şiklê hevkariya me, li boçûnê nayên.

Ewleyiya destkeftiyên me tineye, lê em ji quretiyê difirin.

Em li himberî hev heya bêjî “mêr” in, lê em ji tirsa Enqere û Tehranê nabin yek.

Em xwe zû nedin hev, emê gellek dereng bimînin. Ji ber ku dijminên me, ji me bileztir in û gellek bêbext in.

Rûdaw

Categories
Mêvan
No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • Radyoya Êrîvanê sêwî ma

    rojnamevan û rewşenbîrê Kurdên Ermenistanê Keremê Seyad di 82 salîya xwe de ji nav me koç kir û em xemgîn kirin. Keremê Seyad, di 1960î de li Radyoya Êrîvanê...
  • Lotika Papa xweş lotik bû

    Serokê Vatîkanê û Serokê Rûhanî ê Mesîhîyên Cîhanê Papa Franciskus di 07.03.2021ê de pêşî serdana Iraqê û piştre jî serdana Kurdistanê kir. Papa li Bexdayê bi şûr û kêran...
  • Başûrî, mîrasê serokê nemir Mistefa Barzanî dixwin…

    Rojhat Amedî Sed heyf û mixabin em îro dibînin ku jimareyek berçav ji desthilatdarên başûrê Kurdistanê tenê bi gotin li ser rêbaza Barzaniyê nemir mane. Tenê li ser mîrasa...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Maddeya 140 û bêhelwestîya siyasetmedarên Başûr

    Siyaset, birêvebirin û birêkûpêkkirina kar û barên dewletê ye û hişmendîyek taybet jê re dive. Polîtîka jî hemû kiryar û çalakîyên ku ji bo millet û civakê tê kirin...
  • Siyaseta bi wesayet û desttêwerdan

    Nûrî Çelîk Siyaseta bi wesayet û îcazet, bi kesî re nahêle rûmet û kesayet. Ben û hefsarê meriv di destê kê de bin, xwedîyên meriv jî ew in. Siyasetek...
  • Ruhê koletîyê Kurdan diduruvîne

    Sîrac Oguz Neyarên Kurd û Kurdistanê, dîsa dest bi fen û fêlbazîyên dîrokî dikin. Dixwezin di nav milletê Kurd da, dubendî û îxanetên mezin pêk bînin. Gava ku milletê...
  • Bê çete jiyan nabe!

    Z.Brîndar Kurd milletekî ecêb in. Serok û rêvebirên Kurdan hîn ecêbtir in. Tew siyasetmedarên wan ji tevan ecêbtir in. Li şûna ku ji bo yekîtî û xurtkirina tevgera rizgarîxwaza...