Aug 24, 2016

    Kî mîr e, kî kizîr e?

    Belê, sosyalîst, çep û serxweşên me dane dû qûna bratîya xelkên dewşîrme û çeqilmast û dev ji doza xwe berdane, paçik û maçikên xelkê wek ala Kurdistanê pêşkêşî mirîdên xwe dikin. Mislimanên me dane dû qûna ummeta xelkleran û dev ji doza xwe berdane. Lê çi ecêb e, ew îlkel mîllîyetçî, ango paşverû û netewperest, serokeşîr û axayê ku ew çep û serxweşên me behsa wî dikin, yanî Mesûd Barzanî, di dilê dagîrkerên Kurdistanê de ala Kurdistanê diçikîne û rayedarên dagîrkerên Kurdistanê di bin wê ala pîroz de rûdinên.

    pirkemal

    Serok Barzanî hat Enqerê û serdana rayedarên dewleta Tirko kir. Sedema hatina wî, naveroka hevdîtinên wî, ji min re ne xem e û belkî meraq jî nekim. Lê pêşwazîkirina bi ala Kurdistanê bes û zêdeye, watedar û manîdar e.

    Îcar ka bêjin qurban, hûn bi qedrê xwedê û pêxember kin, kî paşverû, serokeşîr, axa û nizanim çi ye?

    Law Barzanî qe nebe serokeşîr û axayê milletê xwe ye, bi wê axatî û serokeşîrtîya xwe xizmeta millet û welatê xwe dike, serokên dinyayê tîne ber lingên xwe û welatekî serbixwe dixwaze.

    Lê hûn?

    Hûn pêşverû, çep û axayên kê ne cîgerim?

    Gelo ew xelklerên ku we kumê wan daye serê xwe, qîmet û buhayê pîvazekê jî didin we?

    Ma henekê xwe bi we nakin?

    Paşverû û serokeşîr (!) doza dewleta xwe dikin, pêşverû û axayên xelkê jî doza dewletên xelkê dikin.

    Ê de bêjin kezebno:

    Kî pêşverû û kî paşverûyê millet û welatê xwe ye?

    Kî mîr e, kî kizîr e?

     

    Enqere

    barzani al2

    • facebook
    • googleplus
    • twitter
    • linkedin
    • linkedin
    Previous «
    Next »

    Schreibe einen Kommentar

    Deine E-Mail-Adresse wird nicht veröffentlicht.

    Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

    %d Bloggern gefällt das: