Îcar bela xwe li mirîşkan xistin

Mistefa Kerkûkî Hikûmeta Herêma Kurdistanê di derbarê firotina mirîşkên qelew  de lotikek avêt, firotina mirîşkên qelew qedexe kir û got: ” Kaka, divê giranîya mirîşkekê ji 2 kîlo û...

Mistefa Kerkûkî

Hikûmeta Herêma Kurdistanê di derbarê firotina mirîşkên qelew  de lotikek avêt, firotina mirîşkên qelew qedexe kir û got:

” Kaka, divê giranîya mirîşkekê ji 2 kîlo û 800 giraman zêdetir nebe”.

Cîgirê berpirsê çandinîya Silêmaniyê Rizgar Heme Xidir, di derbarê mirîşkên xwelîser de gotiye: “Bi allahwekîl, Wezareta Çandinîya Kurdistanê ferman daye ku êdî mirîşkên qelew neyên firotin, yên ku mirîşkên qelew bifroşin wê bên cezakirin” filan û fîstan.

 Kaka can Rizgar Heme Xidir,  herweha gotiye: “Ez bi serê Mam Celal kim, me ji hemû mirîşkfiroşan re gotiye nabe mirîşk ji 2 kîlo û 800 giraman zêdetir be, çimkî dema tu serê mirîşkê jê dikî û pak dikî, %25 ji kêşa wê wenda dibe. Di vê çarçoveyê de nabe mirîşkên serjêkirî ji 2 kîlograman zêdetir bin”.

Û di lotika dawîn de gotiye: “Kaka, hinek mirîşkfiroş bi derzî û dermanan mirîşkan mezin dikin, wan dinepixînin û qelew dikin,  ev jî ji bona tenduristîyê xeter e. Lewma em neçar man tiştekî weha bikin û firotina mirîşkên qelew qedexe bikin” û da lotikan.

 Belê, mirîşkên dermankirî û derzîkirî, ango mirîşkên bi hormon, helbet ji tenduristîyê re xeter in.

Lê firotina petrola qaçax?

Ma dizî, gendelî û firotina petrola qaçax a Kurdistanê ji tenduristîya Kurdan re ne xeter e mamo can?

Ha te mirîşk nepixandiye, ha te bi firotina petrola qaçax zikê xwe nepixandiye, ferq çi ye kaka?

Ma hema pelûl bi serê mirîşkan de rijiyaye?

Hinekî jî dizî, gendelî û firotina petrola qaçax li wan “dîk”ên xwe qedexe bikin wî.

Kerkûk

Categories
KadînMistefa KerkûkîNivîskar
No Comment

Leave a Reply

*

*

RELATED BY

  • Kerkûk, dagîrker bûn peppûk

    Berî demekê parêzgerê Kerkûkê xalê me Necmedîn Kerîm lotikek pîroz avêt û dilê me xweş û geç kir. Zimanê Kurdî li Kerkûkê kir fermî û ala Kurdistanê jî li...
  • STRANA MEZRA BOTAN

    Mezra Botan.. Tu karî bêjî berî niha bi çend hezar salan tiliyên me di zeviyên te de şûn vedane. Ka bihêle ku dîroka derewîn li berxwekeve, bê ji hewdikê...
  • Pêvajoya Aştiyê mîna kemînekê bû.

    Pêvajoya Aştiyê mîna kemînekê bû. Bi rojeveke pûç û beradayî serî li kurdan kir tara bêjingê. Kurdan bi seriyekî germ xwe li wê kemînê qewimandin, mîna kewên gozel yek...
  • Kız Kereçi Xatun Olmaz!

    Mêro boxboxakî mêran bû, çû dil ket qîza qereçî, wek yê ku heft salan dil ket çavên beqê! Di bîr û baweriya wî de, wê keçika qereçî jê re...
Lotikxane